Yisaya
12 Mpe na mokolo yango+ okoloba mpenza boye: “Ee Yehova, nakopesa yo matɔndi, mpo atako osilikelaki ngai makasi, nsukansuka, nkanda na yo ezongaki nsima,+ mpe okómaki kobɔndisa ngai.+ 2 Talá! Nzambe azali lobiko na ngai.+ Nakotya motema mpe nakozala na nsɔmɔ te;+ mpo Yah Yehova azali makasi+ na ngai mpe nguya+ na ngai, mpe akómaki lobiko na ngai.”+
3 Ya solo, bokotoka mai na maziba ya lobiko na esengo mingi.+ 4 Mpe na mokolo yango bokoloba mpenza boye: “Bópesa Yehova matɔndi!+ Bóbelela nkombo na ye.+ Bóyebisa bato ya bikólo misala na ye.+ Bóloba ete nkombo na ye etombwani likoló.+ 5 Bóbɛtɛla Yehova mondule,+ mpo ndenge oyo asali eleki nyonso.+ Yango ezali koyebisama na mabele mobimba.
6 “Ee yo mwasi oyo ofandaka na Siona, gangá makasi mpe gangá na esengo, mpo Mosantu ya Yisraele+ azali monene epai na yo.”