Nzembo

Bósanzola nkombo ya Yehova,

Bópesa masanzoli, bino basaleli ya Yehova,+

 2 Bino baoyo botɛlɛmaka na ndako ya Yehova,

Na mapango ya ndako ya Nzambe na biso.+

 4 Mpamba te Yah aponá Yakobo mpo na ye moko,

Yisraele mpo azala eloko na ye ya motuya.+

 5 Mpo nayebi malamu ete Yehova azali monene,

Nkolo na biso aleki mosika mpenza banzambe mosusu nyonso.+

 6 Yehova asalaka nyonso oyo asepeli kosala+

Na likoló mpe na mabele, na mbu mpe na bisika nyonso ya mozindo.

 7 Asalaka ete mapata* emata uta na nsuka nyonso ya mabele;

Atindaka mokalikali nzela moko na mbula;*

Abimisaka mopɛpɛ na bandako na ye ya kobomba biloko,+

 8 Abomaki bana ya liboso ya Ezipito,

Moto ná nyama.+

 9 Asalaki bilembo ná makamwisi epai na yo, Ee Ezipito,+

Asalaki yango liboso ya Farao mpe ya basaleli na ye nyonso;+

10 Abɛtaki bikólo ebele+

Mpe abomaki bakonzi ya nguya,+

11 Sihone mokonzi ya Baamore,+

Oge mokonzi ya Bashane,+

Mpe makonzi nyonso ya Kanana.

12 Apesaki mokili na bango lokola libula,

Libula epai ya Yisraele bato na ye.+

14 Mpo Yehova akosamba likambo ya bato na ye,+

Mpe akoyokela basaleli na ye mawa.+

15 Bikeko ya bikólo ezali palata mpe wolo,

Esalemi na mabɔkɔ ya moto.+

16 Ezali na monɔkɔ, kasi elobaka te;+

Ezali na miso, kasi emonaka te;

17 Ezali na matoi, kasi eyokaka te.

18 Bato oyo basalaka yango bakokóma lokola yango,+

Ata mpe baoyo nyonso batyelaka yango motema.+

21 Yehova asanzolama uta na Siona,+

Ye oyo afandi na Yerusaleme.+