Nzembo

Bóyembela Yehova loyembo ya sika;+

Bósanzola ye na kati ya lisangá ya bato ya sembo.+

 2 Yisraele asepela na Mokeli na ye Monene;+

Bana ya Siona bázala na esengo mpo na Mokonzi na bango.

 3 Bósanzola nkombo na ye na mabina+

Mpe bóyemba mpo na kosanzola* ye na mbonda moke mpe na nzɛnzɛ.+

 5 Bato ya sembo básepela mpenza mpo Nzambe apesi bango lokumu;

Báganga na esengo na bambeto na bango.+

 6 Nzembo ya kosanzola Nzambe ezala na monɔkɔ na bango,

Mpe mopanga ya mino mibale ezala na lobɔkɔ na bango,

 7 Mpo na kozongisela bikólo mabe

Mpe kopesa bato ya bikólo etumbu,

 8 Mpo na kokanga bakonzi na bango na minyɔlɔlɔ

Mpe bato na bango ya lokumu na bikangeli ya ebende,

 9 Mpo na kokweisela bango ekateli oyo ekomamá.+