Masese
20 Vinyo ekómisaka moto mosɛki,+ mpe masanga oyo elangwisaka ekómisaka moto mobulumobulu;+
Moto nyonso oyo azali kotika yango ebungisa ye nzela azali na bwanya te.+
2 Nsɔmɔ oyo mokonzi apesaka ezali lokola koganga ya nkɔsi;*+
Moto nyonso oyo atumoli nkanda na ye atye bomoi na ye na likama.+
4 Moto ya gɔigɔi abalolaka mabele te na eleko ya malili makasi,
Na eleko ya kobuka mbuma ntango akozanga eloko akobanda kosɛngasɛnga.*+
7 Moto ya sembo atambolaka na bosembo na ye.+
Esengo na bana oyo bakoya nsima na ye.+
8 Ntango mokonzi afandi na kiti na ye ya bokonzi mpo na kosambisa,+
Miso na ye emonaka nyonso oyo ezali mabe.+
13 Kolinga mpɔngi te, noki okóma mobola.+
Fungolá miso mpe okozala na bilei ebele.+
14 Mosombi alobi: “Ezali mabe, ezali mabe!”
Nsima na yango akei mpe abandi komikumisa mpo na eloko oyo asombi.+
15 Wolo ezali, mabanga kitoko ya korai mpe ezali ebele,
Kasi monɔkɔ oyo ebimisaka boyebi ezali eloko moko ya motuya.+
16 Soki moto amipesi ndanga mpo na mopaya, zwá elamba na ye;+
Soki asali yango mpo na mwasi mopaya,* zwá ndanga epai na ye.+
17 Limpa oyo ezwami na nzela ya bokosi ezalaka elɛngi epai ya moto,
Kasi na nsima, monɔkɔ na ye ekotonda na mabanga mikemike.+
18 Mikano elongaka soki moto aluki toli,+
Osengeli na mayele ya kotambwisa makambo* ntango okei etumba.+
19 Moto oyo akoselaka bato makambo; atambolatambolaka mpo na kobimisa makambo ya nkuku;+
Kozala esika moko te na moto oyo alingá koloba makambo ya basusu.*
20 Moto nyonso oyo alakelaka tata na ye ná mama na ye mabe,
Mwinda na ye ekobomama ntango molili eyei.+
22 Koloba te ete: “Nakozongisa mabe!”+
Tyelá Yehova elikya,+ mpe akobikisa yo.+
25 Ezali motambo ntango moto abeleli mbangumbangu ete: “Mosantu!”+
Mpe kaka na nsima abandi kotalela lisusu elako yango malamumalamu.+
26 Kaka ndenge mposo ya blé ekabwanaka na mbuma+
Ndenge moko mpe mokonzi ya bwanya akabolaka bato mabe na bato ya sembo.+
27 Mpema ya moto ezali mwinda ya Yehova,
Emonisaka polele makambo mozindo oyo ezali na kati na ye.