Yosua
16 Mpe teritware oyo bapesaki*+ bakitani ya Yozefe+ ezalaki banda na Yordani penepene na Yeriko ekei tii na mai oyo ezali na ɛsti ya Yeriko, eleki na esobe oyo ematá banda na Yeriko tii na etúká ya ngombangomba ya Betele.+ 2 Longwa na Betele ya Luze, ekendaki tii na ndelo ya Baarake, na Atarote, 3 mpe ekitaki na wɛsti tii na ndelo ya Bayafelete kino na ndelo ya Bete-horone ya Nse+ mpe Gezere,+ mpe esukaki na mbu.
4 Na yango bakitani ya Yozefe,+ Manase ná Efraime, bazwaki teritware ya libula na bango.+ 5 Ndelo ya teritware ya bakitani ya Efraime na kolanda mabota na bango ezalaki boye: Na ɛsti ezalaki banda na Atarote-adare,+ tii na Bete-horone ya Likoló,+ 6 mpe ndelo yango ekendaki tii na mbu. Kobanda na Mikemetate+ na nɔrdi, ndelo yango ebalukaki na ɛsti tii na Taanate-shilo, kino na Yanoa. 7 Mpe ekitaki banda na Yanoa tii na Atarote mpe na Naara, ekómaki na Yeriko+ mpe ekendaki tii na Yordani. 8 Banda na Tapua,+ ndelo yango ekendaki na ngámbo ya wɛsti tii na Lobwaku* ya Kana, mpe esukaki na mbu.+ Wana nde libula ya libota ya Efraime, na kolanda mabota na bango. 9 Bakitani ya Efraime bazalaki mpe na bingumba mosusu ná bamboka na yango na kati ya teritware ya libula ya Manase.+
10 Kasi babenganaki te Bakanana oyo bazalaki kofanda na Gezere,+ mpe Bakanana yango bafandi na kati ya Efraime tii na mokolo ya lelo,+ mpe bakómaki kosalisa bango misala ya makasi.+