4 Bongo Moize alobaki na liyangani mobimba ya Bayisraele ete: “Talá mitindo oyo Yehova apesi: 5 ‘Bózwela Yehova likabo na kati ya biloko na bino.+ Moto nyonso oyo motema na ye etindi ye+ amemela Yehova likabo: wolo, palata, kwivre, 6 nsinga ya bulé, lɛnɛ oyo epakolami langi ya mwa motane-bulé, biloko oyo epakolami langi ya motane makasi, lini ya kitoko, nsuki ya ntaba,+ 7 mposo ya mpate-mobali oyo epakolami langi ya motane, mposo ya nyama ebengami fɔkɛ, nzete ya akasia, 8 mafuta mpo na miinda, balsame mpo na mafuta mosantu mpe mpo na mpaka ya malasi ya nsolo kitoko,+ 9 mabanga ya onikisi mpe mabanga mosusu ya kotya na efode+ mpe na libenga ya ntolo.+

9 Bato basepelaki na ndenge bazalaki kopesa makabo yango ya bolingo, mpo bazalaki kopesa Yehova makabo yango ya bolingo na motema mobimba,+ mpe Mokonzi Davidi asepelaki mingi.

7 Moto na moto asala ndenge akani na motema na ye, na koimaima te to na kotindikama te,+ mpo Nzambe alingaka moto oyo apesaka na esengo.+