2 “Yebisá bato ya Yisraele ete bázwela ngai likabo; bokozwela ngai likabo epai ya moto nyonso oyo motema na ye etindi ye.+ 3 Bokozwa likabo oyo epai na bango: wolo,+ palata,+ kwivre,+ 4 nsinga ya bulé, lɛnɛ oyo epakolami langi ya mwa motane-bulé, biloko oyo epakolami langi ya motane makasi, lini ya kitoko, nsuki ya ntaba, 5 mposo ya mpate-mobali oyo epakolami langi ya motane, mposo ya nyama ebengami fɔkɛ, nzete ya akasia,+ 6 mafuta mpo na miinda,+ balsame mpo na mafuta mosantu+ mpe mpo na mpaka ya malasi ya nsolo kitoko,+ 7 mpe mabanga ya onikisi ná mabanga mosusu ya kotya na efode+ mpe na libenga ya ntolo.+

29 Mobali nyonso ná mwasi nyonso oyo mitema ezalaki kotinda bango bamemaki eloko mpo na mosala oyo Yehova apesaki mitindo na nzela ya Moize ete esalema; Bayisraele bazalaki komemela Yehova likabo ya bolingo.+