25 Na mbala moko, mwasi moko oyo mwana na ye ya moke ya mwasi azalaki na elimo ya mbindo ayokaki nsango na ye; ayaki mpe afukamaki na makolo na ye.+ 26 Mwasi yango azalaki Mogrɛki, mwana-mboka* ya Fenisia ya Siri; mpe azalaki kosɛnga ye ete abimisa demo yango na mwana na ye ya mwasi. 27 Kasi alobaki na mwasi yango: “Tiká bana bátonda naino, mpo ezali malamu te kozwa mampa ya bana mpe kobwakela yango bambwa ya mike.”*+ 28 Kasi azongiselaki ye: “Ya solo, Nkolo. Nzokande bambwa ya mike na nse ya mesa, elyaka biteni oyo bana bakweisaka.” 29 Bongo alobaki na ye: “Lokola olobi bongo, kende; demo wana abimi na nzoto ya mwana na yo ya mwasi.”+ 30 Bongo akendaki epai na ye mpe akutaki mwana yango ya moke alali na mbeto. Demo yango abimaki kati na ye.+