Masese
1 Masese ya Salomo+ mwana ya Davidi,+ mokonzi ya Yisraele:+
2 Ekomamaki mpo moto azwa bwanya+ mpe disiplini;
Mpo akanga ntina ya maloba ya bwanya;
3 Mpo moto azwa disiplini+ oyo epesaka mayele ya kososola,
Bosembo,+ likoki ya kozwa bikateli ya malamu+ mpe akóma na bizaleli malamu;
4 Mpo na kosala ete moto oyo azangi mayele azala ekɛngɛ;+
Kopesa elenge mobali boyebi ná likoki ya kokanisa.+
5 Moto ya bwanya ayokaka mpe azwaka mateya mingi;+
Moto ya mayele akómaka na likoki ya kotambwisa makambo+
6 Mpo na kokanga ntina ya lisese ná liloba oyo ezali mpasi na kolimbola,*
Maloba ya bato ya bwanya ná basambole na bango.+
7 Kobanga* Yehova ezali ebandeli ya boyebi.+
Kaka bazoba nde batyolaka bwanya ná disiplini.+
9 Yango ezali motole* kitoko ya fololo mpo na motó na yo+
Mpe nsinga kitoko ya monzɛlɛ mpo na nkingo na yo.+
10 Mwana na ngai, soki basumuki bameki kolengola yo, kondima te.+
11 Soki balobi: “Yaká elongo na biso.
Tóbatama mpo tóluka ndenge ya koboma bato.
Tokobombana mpo na kozela baoyo basali likambo te, kaka mpo na kosakana.
13 Tózwa biloko na bango nyonso ya motuya;
Tokotondisa bandako na biso na biloko oyo topunzi.
15 Mwana na ngai, kolanda bango te.
Makolo na yo elanda nzela na bango te,+
16 Mpo makolo na bango epotaka mbangu mpo na kosala mabe;
Bawelaka kosopa makila.+
17 Ezali na ntina te moto atyela ndɛkɛ motambo,* wana ndɛkɛ ezali komona yango.
18 Yango wana, bazali kobatama mpo na kosopa makila ya bato;
Bazali kobombana mpo na koboma bango.
19 Wana ezali ndenge baoyo balukaka kozwa bozwi na ndenge ya mabe basalaka,
Kasi soki basali bongo bakobungisa bomoi na bango.+
20 Bwanya ya solosolo+ ezali koganga makasi na balabala.+
Ezali kaka komatisa mongongo na yango na bisika minene ya bato nyonso.+
21 Ezali kobelela na nsuka* ya balabala oyo etondi na makɛlɛlɛ.
Na bisika ya kokɔta na baporte ya engumba, ezali koloba ete:+
22 “Tii ntango nini bino bato bozangi mayele bokolinga kaka kozanga mayele?
Tii ntango nini bino batyoli bokozala kaka na mposa ya kotyola?
Mpe tii ntango nini bino bazoba bokokoba koyina boyebi?+
23 Bótyela mpamela na ngai likebi.*+
Bongo nakosopela bino elimo na ngai;
Nakosala ete bóyeba maloba na ngai.+
24 Mpo nabelelaki, kasi bozalaki kaka koboya koyoka,
Nasembolaki lobɔkɔ na ngai, kasi moto moko te azalaki kotya likebi,+
25 Bozalaki komona toli na ngai nyonso mpamba
Mpe boboyaki mpamela na ngai,
26 Ngai mpe nakosɛka bino ntango likama ekokwela bino;
Mpe nakotyola bino ntango eloko oyo bozali kobanga ekoya,+
27 Ntango eloko oyo bozali kobanga ekoya lokola mbula ya mopɛpɛ makasi,
Mpe likama na bino ekoya lokola mopɛpɛ makasi,
Ntango mpasi mpe mitungisi ekokómela bino.
28 Na ntango yango, bakokoba kobelela ngai, kasi nakoyanola te;
Bakoluka ngai na mposa makasi, kasi bakomona ngai te,+
Mpe baponaki te kobanga Yehova.+
30 Baboyaki toli na ngai;
Bamemyaki te mpamela na ngai nyonso.
32 Mpo botomboki ya bato oyo bazangi mayele nde ekoboma bango,
Mpe mafumafu ya bazoba nde ekobebisa bango.