Yirimia
2 Yehova alobaki na ngai ete: 2 “Kende mpe lobá na bato ya Yerusaleme ete: ‘Talá oyo Yehova alobi:
“Nabosani te bolingo* oyo omonisaki ntango ozalaki elenge,+
Bolingo oyo omonisaki ntango tolakanaki libala,+
Ndenge olandaki ngai ntango natambwisaki yo na esobe,
Na mokili oyo baloná mboto te.+
3 Yisraele azalaki mosantu mpo na Yehova,+ mbuma ya liboso mpo na Ye.”’
‘Moto nyonso oyo akosala ye mabe akomema ngambo.
Mpasi ekoyela bango,’ Yehova alobi bongo.”+
4 Bóyoka liloba ya Yehova, Ee bino bana ya Yakobo,
Mpe mabota nyonso ya bato ya Yisraele.
5 Talá oyo Yehova alobi:
“Libunga nini batata na bino bamonaki epai na ngai,+
Mpo bákóma mosika na ngai,
Mpe básambela bikeko ezangá ntina+ mpe bango moko bákóma mpamba?+
6 Batunaki te ete: ‘Yehova azali wapi,
Moto oyo abimisaki biso na mokili ya Ezipito,+
Moto oyo atambwisaki biso na esobe,
Na mokili oyo ekauká+ mpe ya mabulu,
Na mokili oyo ezangá mai+ mpe ya molili makasi,
Na mokili oyo moto azalaki koleka te
Mpe esika oyo ata moto moko te azalaki kofanda?’
7 Na nsima namemaki bino na mokili ya elanga ya banzete ya mbuma,
Mpo bólya mbuma na yango mpe biloko na yango ya kitoko.+
Kasi bokɔtaki mpe bokómisaki mokili na ngai mbindo;
Bokómisaki libula na ngai eloko oyo eyinamá.+
8 Banganga-nzambe batunaki te ete: ‘Yehova azali wapi?’+
Bato oyo bateyaka mobeko bayebaki ngai te,
Babateli ya mpate batombokelaki ngai,+
Basakoli basakolaki na nkombo ya Baala,+
Mpe balandaki baoyo bakokaki kopesa ata litomba moko te.
9 ‘Na yango nakobunda na bino lisusu,’+ yango nde liloba ya Yehova,
‘Mpe nakobunda na bana ya bana na bino.’
10 ‘Kasi bókatisa tii na mikili* ya Kitime oyo ezali pembeni ya mbu+ mpe bómona.
Ɛɛ, bótinda moto na Kedare+ mpo atala malamumalamu;
Mpe amona soki likambo ya boye esalemá.
11 Ekólo nini esilá kotya banzambe oyo ezalaka te na esika ya banzambe na yango?
Kasi bato na ngai batye eloko ezangi ntina na esika ya nkembo na ngai.+
12 Bino likoló, bótikala monɔkɔ polele na likambo oyo;
Nsɔmɔ makasi elɛngisa bino,’ Yehova alobi bongo,
13 ‘Mpo bato na ngai basali makambo mibale ya mabe:
Basundoli ngai, liziba ya mai ya bomoi,+
Mpe bamitimweli* mabulu,
Mabulu oyo ebukaná, oyo ekoki kobomba mai te.’
14 ‘Yisraele azali nde mosaleli, to moombo oyo abotami na ndako?
Kasi mpo na nini akómi eloko ya kopunza?
Ekómisi mokili na ye eloko ya nsɔmɔ.
Bingumba na ye etyami mɔtɔ, mpe moto ata moko te afandi kuna.
16 Bato ya Nofe*+ mpe Tahapanese+ balyaka na nsɔngɛ ya motó na yo.
17 Yango te nde omilukelaki
Na ndenge osundolaki Yehova Nzambe na yo+
Na ntango oyo azalaki kotambwisa yo na nzela?
19 Mabe na yo esengeli koteya yo,
Mpe misala na yo ya kozanga bosembo esengeli kopamela yo.
Yebá mpe moná ete ndenge osundoli Yehova Nzambe na yo
Ezali likambo moko ya mabe mpe ya bololo;+
Obangi ngai te,’+ Nkolo Mokonzi-Oyo-Aleki-Nyonso, Yehova ya mampinga alobi bongo.
Kasi olobaki ete: “Nakosalela yo te,”
Mpo likoló ya ngomba moke nyonso oyo etombwaná mpe na nse ya nzete nyonso oyo etondi na nkasa+
Ozalaki komitanda mpe kosala bondumba.+
21 Nalonaki yo lokola nzete ya vinyo ya motane ya kitoko koleka,+ yango nyonso ezalaki momboto ya malamu.
Bongo ndenge nini obongwani liboso na ngai mpe okómi bitape oyo ebebi ya nzete ya vinyo ya bopaya?’+
22 ‘Ata soki omisukoli na mungwa ya bonkɔkɔ mpe osaleli sabuni ebele,
Okozala kaka na ngambo liboso na ngai,’+ Yehova Nkolo Mokonzi-Oyo-Aleki-Nyonso alobi bongo.
23 Ndenge nini okoki koloba ete: ‘Namikómisi mbindo te.
Nasambeli Babaala te’?
Talá nzela na yo na lobwaku.
Talá makambo oyo osali.
Ozali lokola mwana-kamela ya mwasi ya mbangu
Oyo azali kopota bipotela epai na epai na banzela na ye,
24 Lokola mpunda ya zamba oyo emesaná na esobe,
Oyo ezali kobenda mopɛpɛ na zolo na mposa na yango.*
Nani akoki kopekisa yango ntango eyoki mposa ya kosangisa nzoto?
Baoyo nyonso bazali koluka yango bakolɛmba te.
Bakozwa yango na eleko na yango.*
25 Tɛlɛmá liboso ete otikala makolo ngulu,
Mpe mongongo na yo ekauka na mposa ya mai.
Kasi olobaki ete: ‘Nakobongola makanisi te!+
26 Bayisraele bakoyokisama nsɔni
Lokola nsɔni oyo moyibi ayokaka ntango bakangi ye,
Bango, bakonzi na bango, mpe bankumu na bango,
Banganga-nzambe na bango mpe basakoli na bango.+
27 Bazali koloba na nzete ete: ‘Ozali tata na ngai,’+
Mpe na libanga: ‘Yo nde obotaki ngai.’
Bapesi ngai mokɔngɔ, kasi elongi na bango te.+
Mpe ntango bakozala na mpasi, bakoloba:
‘Tɛlɛmá mpe bikisá biso!’+
28 Sikoyo wapi banzambe na yo oyo omisaleli?+
Bátɛlɛma soki bakoki kobikisa yo ntango okozala na mpasi.
Mpo banzambe na yo, Ee Yuda, bakómi ebele lokola bingumba na yo.+
29 ‘Mpo na nini bozali kaka kobunda na ngai?
Mpo na nini bino nyonso bozali kotombokela ngai?’+ Yehova alobi bongo.
30 Nabɛti bana na bino kaka mpamba,+
Kasi bandimi disiplini te.+
Mopanga na bino moko elei basakoli na bino,+
Lokola nkɔsi oyo ezali kobebisa.
31 Ee libota, bótala bino moko liloba ya Yehova.
Nakómi epai ya Yisraele lokola esobe
To mokili ya molili oyo ezali kobangisa?
Mpo na nini bato oyo, bato na ngai, balobi ete: ‘Tozali kaka koyengayenga.
Tokoya epai na yo lisusu te’?+
32 Ngɔndɔ akoki nde kobosana biloko na ye ya kobongisa nzoto,
Mwasi ya libala bankamba na ye ya ntolo?
Kasi, bato na ngai babosani ngai ntango molai.+
33 Mpo na nini omibongisi malamu mpo na koluka mibali ete bálinga yo!
Oyekoli ndenge ya kosala mabe.+
34 Ata bilamba na yo ezali na makila ya babola oyo bazali na likambo te.+
Kasi nakutaki bango te bazali kobuka ndako na yo,
Makila na bango ezali nde na bilamba na yo nyonso.+
35 Kasi olobi ete: ‘Nazali na likambo te.
Ya solo mpenza azali koyokela ngai lisusu nkanda te.’
Sikoyo nazali kopesa yo etumbu
Mpo olobi: ‘Nasali lisumu te.’
36 Mpo na nini ozali komona ete kobongola nzela na yo ezali likambo ya mpamba?