Yisaya

49 Bino bisanga, bóyoka ngai,

Mpe bótya likebi, bino bikólo ya mosika.+

 2 Akómisaki monɔkɔ na ngai lokola mopanga ya mino;

Abombaki ngai na elili ya lobɔkɔ na ye.+

Akómisaki ngai likula oyo epeli;

Abombaki ngai na libenga na ye ya makula.

 3 Alobaki na ngai boye: “Ee Yisraele, ozali mosaleli na ngai,+

Na nzela na yo nakomonisa nkembo na ngai.”+

Ya solo Yehova nde azali kosambisa ngai,*

Mpe Nzambe nde akofuta ngai.”*+

 5 Mpe sikoyo Yehova, Moto oyo asalaki ngai banda na libumu mpo nazala mosaleli na ye,

Alobi ete ngai nazongisela ye Yakobo,

Mpo Yisraele eyanganisama epai na ye.+

Nakokumisama na miso ya Yehova,

Mpe Nzambe na ngai akokóma makasi na ngai.

 6 Mpe alobaki boye: “Ekoki kaka te ete ozala mosaleli na ngai

Mpo otɛlɛmisa mabota ya Yakobo

Mpe ozongisa bato ya Yisraele oyo babatelami.

Napesi yo mpe mpo ozala pole ya bikólo,+

Mpo lobiko na ngai ekóma tii na bansuka ya mabele.”+

“Bakonzi bakomona mpe bakotɛlɛma,

Mpe bankumu bakogumbama,

Mpo na Yehova, moto ya sembo,+

Mosantu ya Yisraele oyo aponi yo.”+

“Na eleko ya boboto nayanolaki yo,+

Mpe na mokolo ya lobiko nasalisaki yo;+

Nazalaki kobatela yo mpo napesa yo lokola kondimana mpo na bato ya ekólo,+

Mpo na kobongisa lisusu mokili,

Mpo na kosala ete bázwa libula oyo etikalá mpamba,+

 9 Mpo na koloba na bato ya bolɔkɔ ete: ‘Bóbima!’+

Bakolya matiti pembenipembeni ya banzela,

Mpe bisika na bango ya kolya matiti ekozala na banzela nyonso* epai bato balekalekaka.

10 Bakozala na nzala te, bakozala mpe na mposa ya mai te,+

Molunge oyo ezali kozikisa to moi ekobɛta bango te.+

Mpo Moto oyo azali koyokela bango mawa akokamba bango,+

Mpe akotambwisa bango pene na maziba ya mai.+

11 Nakokómisa bangomba na ngai nyonso nzela,

Mpe babalabala na ngai ya minene ekotombwama.+

12 Talá! Bazali kouta mosika,+

Mpe talá! baoyo bauti na nɔrdi mpe na wɛsti,

Mpe baoyo bauti na mokili ya Sinime.”+

Mpo Yehova abɔndisi bato na ye,+

Mpe azali koyokela bato na ye ya mpasi mawa.+

15 Mwasi akoki nde kobosana mwana na ye oyo azali komɛlisa mabɛlɛ,

To akoyokela mwana oyo amemaki na libumu mawa te?

“Lokola nazali solo na bomoi,” yango nde liloba ya Yehova,

“Okolata bango nyonso lokola biloko ya kobongisa nzoto,

Mpe okokanga bango na nzoto na yo ndenge mwasi ya libala asalaka.

19 Atako bisika na yo oyo ebebisamá etikalá mpamba mpe mokili na yo ezalaki liboke ya mabanga,+

Sikoyo ekokóma nkaka mpenza mpo na baoyo bazali kofanda kuna,+

Mpe baoyo bamɛlaki yo+ bakozala mosika.+

20 Bana oyo okobota nsima ya liwa ya bana na yo mosusu bakoloba na matoi na yo ete:

‘Esika oyo ezali nkaka mpenza mpo na ngai.

21 Mpe okoloba na motema na yo ete:

‘Nani azali tata ya bana oyo bapesá ngai,

Ngai nazali mwasi oyo nazalaka lisusu na bana te mpe nazali ekomba,

Oyo bamemá na mboka mopaya mpe moto ya bolɔkɔ?

Talá! Batikaki ngai kaka ngai moko,+

Bongo baoyo bauti wapi?’”+

“Talá! Nakotombolela bikólo lobɔkɔ na ngai,

Mpe nakotombolela bato ya bikólo elembo na ngai.+

Mpe bakoya na bana na yo ya mibali na mabɔkɔ* na bango,

Mpe bakomema bana na yo ya basi na mapeka na bango.+

23 Bakonzi bakokóma babɔkɔli na yo,+

Mpe bana basi ya bakonzi yango bakozala basaleli na yo ya basi.

Bakogumbamela yo bilongi na nse+

Mpe bakolɛmbɔla putulu ya makolo na yo,+

Mpe okoyeba mpenza ete nazali Yehova;

Baoyo batyelaka ngai elikya bakoyoka nsɔni te.”+

24 Baoyo basili kozwama, bakoki nde kolongolama na mabɔkɔ ya moto ya nguya,

To bato oyo bakangami epai ya monyokoli bakoki nde kobikisama?

“Ata bakangami ya moto ya nguya bakolongolama,+

Mpe baoyo monyokoli akangi bango bakobikisama.+

Nakotɛmɛla baoyo batɛmɛlaka yo,+

Mpe nakobikisa bana na yo.

26 Nakosala ete baoyo bazali komonisa yo mpasi bálya mosuni na bango moko,

Mpe bakolangwa makila na bango moko lokola nde vinyo ya elɛngi.

Mpe bato nyonso bakoyeba* ete nazali Yehova,+

Mobikisi+ mpe Mosikoli+ na yo,

Moto ya Nguya ya Yakobo.”+