Yisaya
2 Mabunga na bino nde ekaboli bino na Nzambe na bino,+
Masumu na bino esali ete abombela bino elongi na ye,
Mpe aboyi koyoka bino.+
Mbɛbu na bino elobaka lokuta,+ mpe lolemo na bino elobaka na nse nse likambo ya kozanga bosembo.
Batye motema na eloko oyo ezali ya solo te,*+ mpe balobi makambo ezangá ntina.
Bakumbaka mpasi lokola zemi mpe babotaka eloko oyo eyokisaka mpasi.+
Moto nyonso oyo akolya maki yango akokufa,
Mpe liki oyo epasuki ekobimisa nyoka ya ngɛngɛ.*
6 Bakoki kosala elamba te na monyama na bango ya limpulututu,
Mpe biloko na bango oyo basali ekozipa bango te.+
Misala na bango ezali mabe,
Mabɔkɔ na bango etondi na misala ya mobulu.+
7 Makolo na bango epotaka mbangu mpo na kosala mabe,
Mpe basalaka noki mpo na kosopa makila ya moto oyo azali na likambo te.+
Makanisi na bango ezali makanisi mabe;
Babimiselaka bato ntango nyonso libebi mpe banyokolaka bango.+
Batɛngisi babalabala na bango.
Moto moko te oyo azali kotambola kuna akozwa kimya.+
9 Yango wana bosembo ezali mosika na biso,
Mpe boyengebene ezali kokómela biso te.
Tozali na elikya ya komona pole, kasi molili nde ezali;
Tozali na elikya ya komona kongɛnga, kasi tozali kaka kotambola na molili.+
10 Lokola bato oyo bakufá miso, tozali kosimbasimba mpo na koluka efelo;
Tozali kokoba kosimbasimba lokola bato oyo bazangá miso.+
Tobɛti libaku na midi lokola nde tozalaki na molili ya mpokwa;
Na kati ya bato ya makasi tozali lokola bato oyo bakufá.
11 Biso nyonso tozali kokoba konguluma lokola ba-urse
Mpe tozali konguluma na mawa lokola bibenga.
Tozali na elikya ya komona bosembo, kasi ezali te;
Elikya ya lobiko, kasi ezali mosika na biso.
12 Mpo misala na biso ya botomboki ezali mingi liboso na yo;+
Mpe masumu na biso mokomoko ezali kotatola mpo na kofunda biso.+
Mpo misala na biso ya botomboki ezali elongo na biso;
Toyebi malamu mabunga na biso.+
13 Tobuki mibeko mpe towangani Yehova;
Topesaki Nzambe na biso mokɔngɔ,
Tolobelaki monyoko mpe botomboki,+
Na motema na biso, tokanaki mpe tolobaki na nse nse maloba ya lokuta.+
Mpe boyengebene etɛlɛmi mosika.+
Mpo solo* ebɛti libaku na esika monene ya bato nyonso,
Mpe oyo ezali sembo ezali kokoka kokɔta te.
16 Akamwaki komona ete moto azali te,
Ata moto moko te akɔtaki na likambo yango,
Yango wana lobɔkɔ na ye moko ememaki lobiko,*
Mpe bosembo na ye moko esungaki ye.
18 Talá oyo bakozwa mpo na oyo basali:+
Nkanda makasi epai ya batɛmɛli na ye, etumbu epai ya banguna na ye.+
Mpe akopesa bisanga etumbu oyo ebongi na yango.
19 Baoyo bazali na wɛsti bakobanga nkombo ya Yehova
Mpe baoyo bazali na ɛsti bakobanga nkembo na ye,
Mpo Yehova akoya nokinoki lokola ebale oyo ezali kotíyola mbangu,
Na nguya na ye akɔmbɔlaka eloko nyonso oyo ezali na nzela na yango.
20 “Mosikoli+ akoya na Siona,+
Epai ya bana ya Yakobo oyo bazali kotika makambo ya kobuka mibeko,”+ Yehova alobi bongo.
21 “Mpo na ngai, oyo nde kondimana na ngai ná bango,”+ Yehova alobi bongo. “Elimo na ngai oyo ezali likoló na yo mpe maloba na ngai oyo natye na monɔkɔ na yo, ekolongolama te na monɔkɔ na yo, na monɔkɔ ya bana* na yo, to na monɔkɔ ya bana ya bana na yo,* banda sikoyo mpe mpo na libela,” Yehova alobi bongo.