Yisaya
56 Yehova alobi boye:
“Bósimba bosembo+ mpe bósala oyo ezali boyengebene,
Mpo lobiko na ngai ekoya mosika te
Mpe boyengebene na ngai ekomonisama.+
2 Esengo na moto oyo asalaka yango
Mpe na mwana ya moto oyo akangamaka makasi na yango,
Oyo atosaka sabata mpe akómisaka yango eloko mpamba te+
Mpe oyo apekisaka lobɔkɔ na ye mpo asala eloko moko te ya mabe.
Mpe mokube aloba te ete: ‘Talá! Nazali nde nzete oyo ekauká.’”
4 Mpo talá oyo Yehova alobi na mikube oyo bazali kotosa basabata na ngai mpe oyo baponi makambo oyo nasepelaka na yango mpe bakangami makasi na kondimana na ngai:
5 “Nakopesa bango monimá mpe nkombo na ndako na ngai mpe na kati ya bifelo na ngai,
Eloko moko ya malamu koleka bana mibali ná bana basi.
Nakopesa bango nkombo ya seko,
Nkombo oyo ekosila te.
6 Mpo na bapaya oyo bayei epai ya Yehova mpo na kosalela ye,
Kolinga nkombo ya Yehova+
Mpe kozala basaleli na ye,
Baoyo nyonso bazali kotosa sabata mpe bakómisi yango eloko mpamba te
Mpe baoyo bakangami makasi na kondimana na ngai,
7 Nakomema mpe bango na ngomba na ngai mosantu+
Mpe nakosepelisa bango na ndako na ngai ya mabondeli.
Makabo na bango ya kotumba mobimba ná bambeka na bango ekondimama likoló ya etumbelo na ngai.
Mpo ndako na ngai ekobengama ndako ya mabondeli mpo na bato ya bikólo nyonso.”+
8 Yehova Nkolo Mokonzi-Oyo-Aleki-Nyonso, oyo azali koyanganisa bato ya Yisraele oyo bapanzaná,+ alobi boye:
“Longola bato oyo bayanganisami, nakoyanganisa mpe bato mosusu epai na ye.”+
9 Bino banyama nyonso ya zamba oyo efandaka na esobe, bóya kolya,
Bino banyama nyonso oyo efandaka na zamba.+
10 Basinzili na ye bakufá miso.+ Ata moko te na bango atye likebi.+
Bango nyonso bazali bambwa oyo egangaka te, ezali kokoka koganga te.+
Ezali komɛla mpema, elali na nse, elingá kolala.
11 Bazali bambwa oyo ezali na lokoso mingi;
Batondaka te.
Bazali babateli ya mpate oyo bakangaka ntina te.+
Bakei bango nyonso na nzela na bango moko;
Moto na moto azali koluka litomba na ye moko oyo ezwami na ndenge ya mabe mpe koloba ete:
Mpe lobi ekozala lokola lelo, kaka malamu mingi koleka.”