Yisaya
66 Talá oyo Yehova alobi:
“Likoló ezali kiti ya bokonzi na ngai, mpe mabele ezali ebonga ya makolo na ngai.+
2 “Lobɔkɔ na ngai nde esalá biloko oyo nyonso,
Mpe bongo nde yango nyonso ebimaki,” Yehova alobi bongo.+
“Yango wana, nakotala nde moto oyo:
Moto ya komikitisa mpe oyo motema etutami oyo alɛngaka* mpo na liloba na ngai.+
3 “Moto oyo azali koboma ngɔmbɛ azali lokola moto oyo azali koboma moto.+
Moto oyo azali kopesa mbeka ya mpate azali lokola moto oyo azali kobuka nkingo ya mbwa.+
Moto oyo azali kopesa likabo azali lokola moto oyo azali kopesa makila ya ngulu!+
Moto oyo azali kotumba olibana ya ekaniseli+ azali lokola moto oyo azali kopambola na maloba ya maji.*+
Baponi banzela na bango moko,
Bazali kosepela* na biloko ya bosɔtɔ.
Mpo ntango nabengaki, moto moko te ayanolaki;
Ntango nalobaki, moto moko te ayokaki.+
Bakobaki kosala oyo ezali mabe na miso na ngai,
Mpe baponaki kosala likambo oyo nasepelaki na yango te.”+
5 Bóyoka liloba ya Yehova bino baoyo bolɛngaka mpo na* liloba na ye:
“Bandeko na bino oyo bazali koyina bino, oyo bazali kobengana bino mpo na nkombo na ngai, balobaki ete: ‘Yehova akumisama!’+
Kasi akomonana mpe akomemela bino esengo,
Mpe bango nde bakoyoka nsɔni.”+
6 Makɛlɛlɛ ya yikiyiki ezali kouta na engumba, makɛlɛlɛ ezali kouta na tempelo!
Ezali makɛlɛlɛ ya Yehova oyo azali kofuta banguna na ye eloko oyo ebongi na bango.
7 Liboso kutu abanda koyoka mpasi ya kobota, abotaki.+
Liboso kutu mpasi ya kobota eyela ye, abotaki mwana mobali.
8 Nani ayoká likambo ya boye?
Nani amoná makambo ya boye?
Mokili ekobotama nde na mokolo moko?
To ekólo ekobotama nde na mbala moko?
Kasi ntango kaka Siona akómaki na mpasi ya kobota abotaki bana na ye.
9 “Nakotika ete zemi ekóma tii na nsuka, bongo na nsima napekisa ete mwana abotama?” Yehova alobi bongo.
“Nakopekisa nde mwasi oyo azali na mpasi ya kobota abota te?” Nzambe na yo alobi bongo.
10 Bósepela elongo na Yerusaleme mpe bózala na esengo elongo na ye,+ bino nyonso oyo bolingaka ye.+
Bósepela mingi mpenza elongo na ye, bino nyonso oyo bozali kolela ye,
11 Mpo bokomɛla mpe bokotonda libɛlɛ ya libɔndisi mobimba oyo euti na ye,
Bokomɛla mpenza mpe bokoyoka esengo makasi na ebele ya nkembo na ye.
12 Mpo talá oyo Yehova alobi:
“Talá nazali kopesa ye kimya oyo ekozala lokola ebale+
Mpe nkembo ya bikólo lokola mokɛli oyo mai ezali kotíyola.+
Bokomɛla libɛlɛ mpe bokomemama na loketo,
Mpe bakopumbwisa bino na mabɔlɔngɔ.
Ndenge mama abɔndisaka mwana na ye;
Mpe bokobɔndisama mpo na Yerusaleme.+
14 Bokomona yango, mpe motema na bino ekosepela,
Mikuwa na bino ekokola lokola matiti ya sika.
15 “Mpo Yehova akoya lokola mɔtɔ,+
Mpe makalo na ye ezali lokola mopɛpɛ makasi,+
Mpo na kopesa etumbu na nkanda na ye makasi,
Mpo na kopamela na lolemɔ ya mɔtɔ.+
16 Mpo, na mɔtɔ, ɛɛ na mopanga,
Yehova akopesa bato nyonso* etumbu;
Mpe baoyo Yehova akoboma bakozala ebele mpenza.
17 “Baoyo bazali komisantisa mpe komipɛtola mpo na kokɔta na bilanga*+ na nsima ya oyo azali na katikati, baoyo bazali kolya mosuni ya ngulu,+ biloko ya bosɔtɔ mpe mpoko,*+ bango nyonso bakosila,” Yehova alobi bongo. 18 “Lokola nayebi misala mpe makanisi na bango nyonso, nazali koya koyanganisa bato ya bikólo nyonso mpe minɔkɔ nyonso; bakoya mpe bakomona nkembo na ngai.”
19 “Nakotya elembo kati na bango, mpe bato mosusu na kati ya baoyo babiki, nakotinda bango na bikólo—na Tarasisi,+ na Pulu mpe na Ludi,+ baoyo babendaka litimbo, na Tubale ná Yavane,+ mpe na bisanga ya mosika—baoyo bayoká nsango na ngai te mpe bamoná nkembo na ngai te; mpe bakoyebisa nkembo na ngai na kati ya bikólo.+ 20 Bakouta na bandeko na bino nyonso na bikólo nyonso+ mpe bakomema bango epai ya Yehova, lokola likabo likoló ya bampunda, na makalo, na bapusu oyo ezipami, likoló ya badɔngi,* likoló ya bakamela oyo ezali na mbangu, na ngomba na ngai mosantu, Yerusaleme,” Yehova alobi bongo, “kaka ndenge bato ya Yisraele bayaka na likabo na bango na kati ya mbɛki ya pɛto mpo na kokɔta na ndako ya Yehova.”
21 “Nakozwa ndambo bázala banganga-nzambe mpe basusu Balevi,” Yehova alobi bongo.
22 “Mpo kaka ndenge likoló ya sika mpe mabele ya sika+ oyo nazali kosala etɛlɛmi liboso na ngai,” yango nde liloba ya Yehova, “ndenge wana nde libota* na yo mpe nkombo na yo ekotikala.”+
23 “Mpe banda sanza ya sika tii sanza ya sika mpe banda sabata tii sabata,