Yobo

33 “Kasi sikoyo, Yobo, nabondeli yo, yoká maloba na ngai;

Yoká nyonso oyo nazali koloba.

 2 Talá, nabondeli yo! Nasengeli kofungola monɔkɔ na ngai;

Lolemo na ngai* esengeli koloba.

 3 Maloba na ngai ezali koloba bosembo ya motema na ngai,+

Mpe mbɛbu na ngai ezali koloba na bosembo mpenza oyo nayebi.

 4 Elimo ya Nzambe nde esalaki ngai,+

Mpe mpema ya Mozwi-ya-Nguya-Nyonso nde epesaki ngai bomoi.+

 5 Yanolá ngai soki okokoka;

Lobá makanisi na yo liboso na ngai; omibongisa.

 6 Talá! Ngai ná yo tozali ndenge moko liboso ya Nzambe ya solo;

Ngai mpe nasalemaki na mabele ya lima.+

 7 Osengeli te kobanga ngai,

Mpe makambo oyo nakoloba na yo ekozala kilo te epai na yo.

 8 Kasi nazalaki wana ntango olobaki,

Ya solo, nazalaki koyoka maloba na yo,

 9 ‘Nazali pɛto, nabuki mobeko ata moko te;+

Nazali pɛto, nazangi libunga.+

10 Kasi Nzambe aluki libunga na ngai mpo atɛmɛla ngai;+

Azali kozwa ngai lokola monguna na ye.

11 Atye makolo na ngai na bikanga-makolo;

Azali kotalatala banzela na ngai nyonso.’+

14 Mpo Nzambe alobaka mbala moko mpe mbala mibale,

Kasi moto moko te azali kotya likebi,

15 Na ndɔtɔ, emonaneli ya butu,+

Ntango mpɔngi makasi ezwaka bato,

Ntango balali na mbeto na bango.

16 Na nsima, alobaka na matoi na bango+

Mpe akomaka* malako na ye na makanisi na bango,

17 Mpo moto atika kosala mabe+

Mpe mpo na kobatela moto akóma na lolendo te.+

18 Nzambe abatelaka molimo* na ye ekende na libulu* te,+

Bomoi na ye ebomama te na mopanga.*

19 Lisusu, moto apamelami na mpasi na mbeto na ye,

Mpe na mpasi ya mikuwa na ye oyo ezali se kokoba.

20 Mpo bomoi na ye ezali mpenza kokómisa limpa eloko ya koyina,

Mpe aboyi* ata bilei ya malamu.+

21 Mosuni na ye ezali kokɔnda, elimwe na miso ya bato,

Mpe mikuwa na ye, oyo ezalaki komonana te, sikoyo emonani polele.

22 Molimo* na ye ezali kopusana pene na libulu;*

Bomoi na ye pene na baoyo bapesaka liwa.

23 Soki azali na momemi-nsango* moko mpo na ye,

Molobeli moko na kati ya nkóto moko,

Mpo na koyebisa moto oyo ezali sembo,

24 Bongo Nzambe amoniseli ye boboto mpe alobi ete:

‘Kotika ye te akita na libulu!*+

25 Mosuni na ye ekóma sɛmbɛsɛmbɛ* koleka oyo ya bolenge;+

Azonga na mikolo oyo azalaki na makasi ya bolenge.’+

26 Akobondela Nzambe,+ oyo akondima ye,

Mpe akomona elongi ya Nzambe na koganga ya esengo,

Mpe Nzambe akozongisa bosembo na ye epai ya moto, mowei mpamba.

27 Moto yango akoloba* na bato ete:

‘Nasali lisumu+ mpe nabebisi makambo ya sembo,

Kasi nazwaki te oyo ebongi na ngai.*

28 Asikoli molimo* na ngai mpo ekende na libulu* te,+

Mpe bomoi na ngai ekomona pole.’

29 Lisusu, Nzambe asalaka makambo nyonso wana

Mbala mibale, mbala misato, mpo na moto,

30 Mpo na kobimisa ye* na libulu,*

Mpo angɛngisama na pole ya bomoi.+

33 Soki likambo ya koloba ezali te, yoká ngai;

Fandá nyɛɛ, mpe ngai nakoteya yo bwanya.”