Nzembo

143 Ee Yehova, yoká libondeli na ngai;+

Yoká lilɔmbɔ na ngai mpo na kosɛnga lisalisi.

 2 Mpe kosamba na mosaleli na yo te,

Mpo moto moko te ya bomoi akoki kozala sembo liboso na yo.+

 3 Mpo monguna alandi ngai;

Anyatinyati bomoi na ngai na mabele.

 4 Makasi* na ngai ezali kosila;+

Motema na ngai etungisami.+

 5 Nakanisi mikolo ya kalakala;

Namanyoli mosala na yo nyonso;+

Nakanisi na mozindo mpenza* mosala ya mabɔkɔ na yo.

 6 Natandi mabɔkɔ na ngai epai na yo;

Nazali lokola mokili ekauká oyo ezali kozela yo opesa yango mai.+ (Sela)

 7 Ee Yehova, yanolá ngai nokinoki;+

Makasi* na ngai ekómi na nsuka.+

Kobombela ngai elongi na yo te,+

Soki te nakokóma lokola baoyo bazali kokita na libulu.*+

 8 Na ntɔngɔ, lakisá ngai bolingo na yo ya sembo,

Mpo natyeli yo motema.

Salá ete nayeba nzela oyo nazali kotambola,+

Mpo nabaluki epai na yo.*

10 Teyá ngai ndenge ya kosala mokano na yo,+

Mpo ozali Nzambe na ngai.

Elimo na yo ezali malamu;

Ekamba ngai na mokili ya bosembo.

12 Mpo na bolingo na yo ya sembo, sukisá banguna na ngai;*+

Bebisá baoyo nyonso bazali kotungisa ngai,+

Mpo nazali mosaleli na yo.+