Obadia
Talá oyo Yehova Nkolo Mokonzi-Oyo-Aleki-Nyonso alobi mpo na Edome:+
“Toyoki nsango moko oyo euti epai ya Yehova,
Motindami moko oyo atindami kati na bikólo:
‘Bótɛlɛma, tómibongisa mpo na kobunda na Edome.’”+
3 Lofundo ya motema na yo ekosi yo.+
Yo oyo ofandi na kati ya madusu ya mabanga,
Ofandi na bisika oyo etombwaná, ozali koloba na motema na yo:
‘Nani akokitisa ngai na mabele?’
4 Ata soki okei kofanda na likoló* lokola mpongo,
To otye zumbu* na yo na kati ya minzoto,
Nakokitisa yo kaka na nse,” Yehova alobi bongo.
5 “Soki miyibi bakɔteli yo, soki bapunzi bakɔteli yo na butu,
Bakoyiba kaka te biloko oyo balingi?
To soki babuki-mbuma ya vinyo bayeli yo,
6 Ee bapanzipanzi Esau mpo na koluka!
Balukiluki na biloko na ye ya motuya oyo ebombaná!
7 Bato oyo basalaki na yo boyokani batindiki yo tii na ndelo.
Bango nyonso bakosi yo.
Bato oyo bazalaki na kimya elongo na yo balongi yo.
Baoyo bazalaki kolya limpa elongo na yo bakotyela yo motambo na nse ya makolo,*
Kasi okososola yango te.
8 Na mokolo wana,” yango nde liloba ya Yehova,
“Nakosilisa te bato ya bwanya na Edome,+
Mpe bososoli na etúká ya ngombangomba ya Esau?
9 Mpe bilombe na yo ya etumba bakokóma na nsɔmɔ,+ Ee Temane,+
Mpo bato nyonso ya etúká ya ngombangomba ya Esau, bakobomama na ntango ya kobomama monene.+
10 Mpo na mobulu oyo osalelaki ndeko na yo Yakobo,+
Okotonda na nsɔni,+
Mpe okobebisama mpo na libela.+
11 Na mokolo oyo ozalaki wana pembeni okangi mabɔkɔ,
Na mokolo oyo bapaya bamemaki limpinga ya basoda na ye lokola bakangami.+
Ntango bapaya bakɔtaki na engumba* na ye mpe babwakaki mbɛsɛ*+ mpo na Yerusaleme,
Osalaki lokola bango.
12 Osengelaki te kotala na esengo likambo oyo ekómelaki ndeko na yo na mokolo ya mawa na ye;+
Osengelaki te kosepela mpo na bato ya Yuda na mokolo ya kobebisama na bango;+
Mpe osengelaki te koloba na lolendo ya ndenge wana na mokolo ya mpasi na bango.
13 Osengelaki te kokɔta na engumba ya bato na ngai na mokolo ya likama na bango,+
Osengelaki te kotala mawa na ye na mokolo ya likama na ye mpe kosepela na yango;
Mpe osengelaki te kozwa bomɛngo na ye na mokolo ya likama na ye.+
14 Osengelaki te kotɛlɛma na bisika oyo nzela ekutani mpo na koboma bato na ye oyo bazalaki kokima,+
Mpe osengelaki te kokaba na mabɔkɔ ya banguna bato na ye oyo babikaki na mokolo ya mpasi.+
15 Mpo mokolo oyo Yehova akotɛmɛla bikólo nyonso ekómi pene.+
Ndenge osalaki, bakosala yo mpe bongo.+
Makambo oyo osalaki basusu ekozonga na motó na yo.
16 Mpo kaka ndenge bomɛlaki na ngomba mosantu na ngai,
Bato ya bikólo nyonso bakokoba komɛla ntango nyonso.+
Bakomɛla mpe bakokitisa yango na mongongo,
Mpe bakokóma lokola nde bazalaki ata na bomoi te.
17 Kasi bato oyo bakobika bakozala na Ngomba Siona,+
Mpe yango ekozala mosantu;+
Mpe libota ya Yakobo ekozwa lisusu biloko oyo ezali ya bango.+
18 Libota ya Yakobo ekokóma lokola mɔtɔ,
Libota ya Yozefe ekokóma lokola mɔtɔ oyo ezali kopela,
Mpe libota ya Esau ekokóma lokola matiti ekauká,
Bakotya bango mɔtɔ mpe bakozika,
Mpe moto moko te akobika na libota ya Esau,+
Mpo Yehova ye moko alobi.
Bakozwa mboka ya Efraime mpe mboka ya Samaria,+
Mpe Benyamina akozwa Gileade.
20 Bato oyo bamemamaki na esika makasi ya libateli,+
Bato ya Yisraele bakozwa mokili ya Bakanana tii na Zarefate.+
Mpe bato ya Yerusaleme oyo bamemamaki na mboka mopaya, oyo bazalaki na Sefarade, bakozwa bingumba ya Negebe.+