Ndenge ekomamá na Matai
1 Buku ya lisolo* ya Yesu Kristo,* mwana ya Davidi,+ mwana ya Abrahama:+
2 Abrahama azalaki tata ya Yisaka;+
Yisaka azalaki tata ya Yakobo;+
Yakobo azalaki tata ya Yuda+ ná bandeko na ye;
3 Yuda azalaki tata ya Pereze ná Zera;+ mama na bango ezalaki Tamara;
Pereze azalaki tata ya Hezerone;+
Hezerone azalaki tata ya Rame;+
4 Rame azalaki tata ya Aminadabe;
Aminadabe azalaki tata ya Nahashone;+
Nahashone azalaki tata ya Salemone;
5 Salemone azalaki tata ya Boaze; mama na ye ezalaki Rahaba.+
Boaze azalaki tata ya Obede; mama na ye ezalaki Ruta;+
Obede azalaki tata ya Yese;+
Davidi azalaki tata ya Salomo;+ mama na ye ezalaki mwasi ya Uria;
7 Salomo azalaki tata ya Rehoboame;+
Rehoboame azalaki tata ya Abiya;
Abiya azalaki tata ya Asa;+
8 Asa azalaki tata ya Yehoshafate;+
Yehoshafate azalaki tata ya Yehorame;+
Yehorame azalaki tata ya Uzia;
9 Uzia azalaki tata ya Yotame;+
Yotame azalaki tata ya Ahaze;+
Ahaze azalaki tata ya Ezekiasi;+
10 Ezekiasi azalaki tata ya Manase;+
Manase azalaki tata ya Amone;+
Amone azalaki tata ya Yosiya;+
11 Yosiya+ azalaki tata ya Yekonia+ ná bandeko na ye, na ntango ya komemama na Babilone.+
12 Nsima ya komemama na Babilone, Yekonia azalaki tata ya Shealatiele;
Shealatiele azalaki tata ya Zerubabele;+
13 Zerubabele azalaki tata ya Abiude;
Abiude azalaki tata ya Eliakime;
Eliakime azalaki tata ya Azore;
14 Azore azalaki tata ya Zadoke;
Zadoke azalaki tata ya Akime;
Akime azalaki tata ya Eliude;
15 Eliude azalaki tata ya Eleazare;
Eleazare azalaki tata ya Matane;
Matane azalaki tata ya Yakobo;
16 Yakobo azalaki tata ya Yozefe mobali ya Maria, oyo abotaki Yesu,+ oyo abengami Kristo.+
17 Na yango, mabota nyonso banda na Abrahama tii na Davidi ezalaki mabota 14; banda na Davidi tii na komemama na Babilone mabota 14; mpe banda na komemama na Babilone tii na Kristo mabota 14.
18 Kobotama ya Yesu Kristo ezalaki boye: Na eleko oyo mama na ye, Maria, alakamaki na libala epai ya Yozefe, Maria azwaki zemi na nzela ya elimo santu*+ liboso ete bábalana. 19 Nzokande, lokola mobali na ye Yozefe azalaki moto ya sembo mpe alingaki te kosambwisa ye na miso ya bato, akanaki koboma na ye libala na ndenge ya kobombana.+ 20 Kasi nsima ya kokanisa makambo yango, talá! anzelu ya Yehova* abimelaki ye na ndɔtɔ, mpe alobaki na ye: “Yozefe, mwana ya Davidi, kobanga te kotya mwasi na yo Maria na ndako, mpo zemi oyo azwi, azwi yango na nzela ya elimo santu.*+ 21 Akobota mwana mobali, mpe okopesa ye nkombo Yesu,*+ mpo akobikisa bato na ye na masumu na bango.”+ 22 Nyonso wana esalemaki mpo na kokokisa maloba oyo Yehova* alobaki na nzela ya mosakoli na ye, ete: 23 “Talá! Ngɔndɔ* akozwa zemi, akobota mwana mobali, mpe bakopesa ye nkombo Emanuele,”+ oyo soki babongoli yango, elimboli, “Nzambe azali na biso.”+
24 Bongo Yozefe alamukaki na mpɔngi mpe asalaki ndenge anzelu ya Yehova* atindaki ye; atyaki mwasi na ye na ndako. 25 Kasi asangisaki na ye nzoto te tii ntango abotaki mwana mobali,+ mpe apesaki ye nkombo Yesu.+