Yisaya
30 Yehova alobi boye: “Mawa na bana ya motó makasi,”+
“Baoyo bakokisaka mokano oyo ezali ya ngai te,+
Baoyo basalaka kondimana,* kasi na litambwisi ya elimo na ngai te,
Mpo bábakisa lisumu likoló ya lisumu.
2 Bakiti na Ezipito+ kozanga ete bátuna ngai,*+
Mpo na koluka esika ya kobombama na nse ya libateli ya Farao*
Mpo na kozwa esika ya kokima na elili ya Ezipito!
3 Kasi libateli ya Farao ekokóma likambo moko ya nsɔni mpo na bino,
Mpe kobombama na elili ya Ezipito ekokóma eloko oyo ezali kosambwisa.+
5 Bango nyonso bakoyoka nsɔni
Mpo na ekólo oyo ekoki komemela bango ata litomba moko te,
Oyo esalisaka te mpe epesaka litomba te,
Kasi eyokisaka nde nsɔni mpe esambwisaka.”+
6 Liyebisi mpo na banyama ya sudi:
Na mokili ya mpasi mpe ya bomoi ya mpasi,
Ya nkɔsi mpe ya nkosi oyo ezali konguluma,
Ya etupa mpe ya nyoka ya mɔtɔ oyo epumbwaka,*
Bazali komema bomɛngo na bango na mikɔngɔ ya bampunda
Mpe biloko na bango na matutu ya bakamela.
Kasi biloko yango ekomemela bato litomba te.
7 Mpo lisalisi ya Ezipito ezali na ntina ata moke te.+
Yango wana nabengi yango: “Rahaba,+ asalaka eloko te.”
8 “Sikoyo kende, komá yango na etanda na miso na bango,
Mpe komá yango na buku,+
Mpo na mikolo oyo ezali koya
Yango ekosalisa lokola litatoli ya libela.+
10 Balobi na bato oyo bamonaka ete: ‘Bómona te,’
Mpe na bato oyo bazwaka bimonaneli ete: ‘Bóyebisa biso te bimonaneli ya solo.+
Bóyebisa biso makambo oyo ekosepelisa biso;* bimonaneli ya makambo ya solo te.+
11 Bólongwa na nzela; bópɛngwa na nzela.
Bótika koyebisa biso makambo etali Mosantu ya Yisraele.’”+
12 Yango wana, talá oyo Mosantu ya Yisraele alobi:
“Lokola boboyi liloba oyo+
Mpe botye motema na kobuba mpe na bokosi
Mpe botyeli yango motema,+
13 Yango wana, libunga oyo ekozala mpo na bino lokola efelo oyo epasuki,
Lokola efelo ya molai oyo etɛngami mpe ekómi pene ya kokwea.
Ekokwea na pwasa, na mbala moko.
14 Ekobukama lokola elokó moko monene ya moyemi-mbɛki,
Ekobebisama mpenza nyonso mpe ata eteni na yango moko te ekotikala
Mpo na kozwa mɔtɔ na lituka
To mpo na kotoka mai na mwa liziba.”*
15 Mpo talá oyo Yehova Nkolo Mokonzi-Oyo-Aleki-Nyonso, Mosantu ya Yisraele, alobi:
“Soki bozongeli ngai mpe bopemi nde bokobika;
Bokozala na nguya soki bofandi nyɛɛ mpe botyeli ngai motema.”+
Nzokande bolingaki te.+
16 Kasi bolobaki: “Te, tokokima na bampunda!”
Bokokima mpenza.
“Mpe tokomata na bampunda ya mbangu!”+
Yango wana bato oyo bakolanda bino bakozala na mbangu.+
17 Bato nkóto bakolɛnga na matumoli ya moto moko;+
Bokokima na matumoli ya bato mitano epai na bino
Mpe baoyo bakotikala epai na bino bakokóma lokola likonzí ya molai na nsɔngɛ ya ngomba,
Lokola elembo na ngomba moke.+
18 Kasi Yehova azali kozela na motema-molai* mpo na komonisela bino boboto,+
Mpe akotɛlɛma mpo na koyokela bino mawa.+
Mpo Yehova azali Nzambe ya bosembo.+
Esengo na baoyo nyonso bazali kokoba kozela ye.*+
19 Ntango bato bakofanda na Siona, na Yerusaleme,+ okolela ata moke te.+ Na ntembe te akomonisela yo boboto ntango lokito ya koganga na yo ekoyokana mpo na kosɛnga lisalisi; ntango kaka akoyoka yango, akoyanola yo.+ 20 Na yango, mampa oyo Yehova akopesa bino nde mpasi mpe mai oyo akopesa bino nde monyoko,+ Molakisi na yo Monene akomibomba lisusu te, mpe miso na yo ekomona Molakisi na yo Monene.+ 21 Mpe matoi na yo ekoyoka liloba nsima na yo ezali koloba ete: “Nzela yango oyo.+ Tambolá na yango,” soki okokende na lobɔkɔ ya mobali to na lobɔkɔ ya mwasi.+
22 Mpe okokómisa mbindo palata oyo ezipi bikeko na yo ya palata* mpe wolo oyo ezipi mpe ekangani makasi na ekeko na yo ya wolo.*+ Okolongola yango lokola elamba oyo ekómisami mbindo na makila ya mwasi oyo azali komona sanza, mpe okoloba na yango boye: “Longwá!”*+ 23 Mpe akopesa mbula mpo na momboto na yo oyo oloni na mabele,+ mpe bilei oyo mabele ekobimisa ekozala mingi mpe kitoko.*+ Na mokolo yango, bibwɛlɛ na yo ekolya na esika monene ya kolya matiti.+ 24 Mpe bangɔmbɛ ná bampunda oyo ezali kotimola mabele ekolya bilei oyo esangisami na ngaingai, oyo bapupoli na pau mpe na nkanya. 25 Mpe na ngomba molai nyonso mpe na ngomba moke nyonso oyo etombwani, mikɛli ná banzela ya mai ekozala,+ na mokolo ya kobomama moko monene, ntango manɔ́ngi ekokwea. 26 Mpe pole ya sanza oyo ebimi mobimba ekokóma lokola pole ya moi oyo ezali kongala; mpe pole ya moi oyo ezali kongala ekokóma makasi mbala nsambo,+ lokola pole ya mikolo nsambo, na mokolo oyo Yehova akokanga elamba na esika oyo bato na ye babukani+ mpe akosilisa mpota monene oyo euti na kobɛta oyo abɛtaki bango.+
27 Talá! Nkombo ya Yehova ezali kouta mosika,
Ezali kopela na nkanda na ye mpe ezali koya elongo na mapata minene.
Mbɛbu na ye etondi na nkanda,
Mpe lolemo na ye ezali lokola mɔtɔ oyo ezali kozikisa.+
28 Elimo* na ye ezali lokola mokɛli ya mai oyo ezali kozindisa, oyo ezali kokóma tii na nkingo,
Mpo na koningisa bikólo na kiyungulu ya libebi;*
Mpe bato ya bikólo bakozala na ebende ya mbanga na mbanga na bango,+ oyo ekobungisa bango nzela.
29 Kasi bino, loyembo na bino ekokokana na loyembo oyo eyembamaka na butu,
Ntango bamibongisaka* mpo na fɛti,+
Mpe motema na bino ekosepela lokola moto
Oyo azali kotambola na* piololo mpo na kokende
Na ngomba ya Yehova, epai ya Libanga ya Yisraele.+
30 Yehova akosala ete mongongo na ye ya nguya+ eyokana
Mpe akomonisa lobɔkɔ na ye+ ya nguya ntango ekokita na nkanda makasi,+
Ná lolemo ya mɔtɔ oyo ezali kozikisa,+
Mbula ya makasi mpenza,+ mbula ya bankake mpe mbula ya mabanga.+
32 Mpe ntango nyonso oyo
Yehova akokitisela Asiri fimbo na ye ya etumbu,
Ekozala elongo na bambonda mike mpe na banzɛnzɛ+
Wana akoningisela bango lobɔkɔ na ye na etumba.+
Atondisi mipiko ya nkoni na esika ya mozindo mpe ya monene,
Mɔtɔ mpe nkoni ezali ebele.
Mpema ya Yehova, oyo ezali lokola mokɛli ya sufulu,
Ezali kozikisa yango.