Nzembo
Epai ya mokambi ya nzembo. Ya bana ya Kora.+ Mondule.
49 Bino nyonso bato ya bikólo, bóyoka likambo oyo.
Bótya likebi, bino nyonso baoyo bofandi na mokili,*
2 Bino nyonso: moto mpamba ná moto ya lokumu,*
Mozwi ná mobola.
4 Nakotya likebi na liloba ya lisese;
Nakolimbola sambole na ngai na nzɛnzɛ.
5 Mpo na nini nabanga na ntango ya mpasi,+
Ntango nazingami na mabe* ya baoyo bazali koluka kokweisa ngai?
6 Baoyo bazali kotya motema na bomɛngo na bango+
Mpe baoyo bazali komikumisa mpo na ebele ya bozwi na bango,+
7 Moko na bango akoki ata moke te kosikola ndeko na ye,
To kopesa Nzambe lisiko mpo na ye,+
8 (Ntalo ya lisiko ya bomoi na bango ezali motuya moko monene mpenza
Yango wana bakokoka ata moke te kofuta yango);
9 Mpo azala na bomoi libela na libela mpe amona libulu* te.+
10 Moto nyonso amonaka ete ata bato ya bwanya bakufaka;
Zoba ná moto oyo azangi bososoli bango nyonso bakufaka,+
Mpe basengeli kotikela bato mosusu bomɛngo na bango.+
11 Mposa ya motema na bango ezali ete bandako na bango eumela mpo na libela,
Bahema na bango eumela libota na libota.
Bapesi mabele na bango bankombo na bango.
13 Yango nde nzela ya bazoba,+
Mpe ya baoyo bazali kolanda bango, baoyo bazali kosepela na maloba na bango ya mpambampamba. (Sela)
14 Bakokufa lokola bampate oyo esengeli kobomama.
Liwa ekokamba bango;
Bato ya sembo bakozala na bokonzi likoló na bango+ na ntɔngɔ.
16 Kobanga te mpo moto akómi na bozwi,
Mpo nkembo ya ndako na ye ezali komata,
17 Mpo ntango akokufa, akomema eloko ata moko te;+
Nkembo na ye ekokita elongo na ye te.+
18 Bomoi na ye mobimba azali komikumisa.+
(Bato bakokumisa yo ntango ozali na bozwi)+
19 Kasi, nsukansuka, akokende kaka na libota ya bankɔkɔ na ye.
Bakomona pole lisusu ata moke te.