Yisaya
48 Ee bato ya libota ya Yakobo, bóyoka likambo oyo,
Bino baoyo bomibengaka na nkombo ya Yisraele+
Mpe bino baoyo bouti na mai ya* Yuda,
Bino baoyo bolapaka ndai na nkombo ya Yehova+
Mpe baoyo bobelelaka Nzambe ya Yisraele,
Atako ezalaka na bosolo te mpe na bosembo te.+
2 Mpo bamibengaka bato ya engumba mosantu+
Mpe balukaka lisalisi epai ya Nzambe ya Yisraele,+
Oyo nkombo na ye ezali Yehova ya mampinga.
3 “Makambo oyo eleká* oyo nayebisaki yo banda kala,
Ebimaki na monɔkɔ na ngai moko,
Mpe nayebisaki yango.+
Na mbala moko nasalaki eloko oyo, mpe yango esalemaki.+
4 Lokola nayebaki ete ozali motó makasi
Ete nkingo na yo ezali mosisa ya ebende mpe elongi na yo ezali ya kwivrɛ,+
5 Nayebisaki yo banda kala.
Nayebisaki yo yango liboso esalema,
Mpo oloba te ete: ‘Ekeko na ngai esalaki yango;
Ekeko* na ngai mpe ekeko na ngai ya ebende* epesaki yango mitindo.’
6 Oyokaki mpe omonaki yango nyonso.
Okolobela yango te?+
Banda sikoyo nazali koyebisa yo makambo ya sika,+
Makambo oyo ebombaná, oyo oyebi te.
7 Makambo yango ezalisami kaka sikoyo, kasi banda kala te,
Makambo oyo oyoká te liboso ya mokolo ya lelo,
Mpo oloba te ete: ‘Talá! Nayebá yango kala.’
9 Mpo na nkombo na ngai nakopekisa nkanda na ngai;+
Mpo na lisanzoli na ngai,
Nakomipekisa mpe nakoboma yo te.+
10 Talá! Napɛtoli yo, kasi lokola palata te.+
Nameki* yo na esika ya mɔtɔ makasi ya konyangwisa ya monyoko.+
11 Mpo na ngai, ɛɛ mpo na ngai moko nakosala,+
Mpo ndenge nini nakoki kotika bákómisa nkombo na ngai eloko mpamba?+
Napesaka nkembo na ngai na moto mosusu te.*
12 Ee Yakobo, yoká ngai, mpe Yisraele moto oyo nabengá.
Nazali kaka ndenge nazalaka.+ Nazali moto ya liboso; nazali mpe moto ya nsuka.+
Ntango nabengaka yango, yango nyonso etɛlɛmaka elongo.
14 Bóyangana, bino nyonso mpe bóyoka.
Nani na kati na bango alobá makambo oyo?
Yehova alingá ye.+
15 Ngai moko nalobi, mpe nabengi ye.+
Nayei na ye, mpe nzela na ye ekolonga.+
16 Bópusana pene na ngai. Bóyoka likambo oyo.
Banda na ebandeli mpenza nalobá na esika ya kobombana te.+
Banda ntango yango esalemaki, nazalaki wana.”
Mpe sikoyo Nkolo Mokonzi-Oyo-Aleki-Nyonso Yehova apesi ngai elimo na ye mpe atindi ngai.
17 Talá oyo Yehova alobi, Mosikoli na yo, Mosantu ya Yisraele:+
“Ngai Yehova nazali Nzambe na yo,
Moto oyo azali koteya yo mpo na bolamu na yo moko,+
Moto oyo azali kotambwisa yo na nzela oyo osengeli kotambola.+
18 Soki otyaka likebi na mibeko na ngai!+
Mbɛlɛ nkombo na bango ebomami te mpe elongolami te liboso na ngai.”
Bókima Bakaladea!
Bósakola yango na koganga ya esengo, bóyebisa yango!+
Bósala ete yango eyebisama tii na bansuka ya mabele.+
Bóloba ete: “Yehova asikoli mosaleli na ye Yakobo.+
21 Bayokaki mposa ya mai te ntango azalaki kotambwisa bango na bisika oyo ekauká.+
Abimiselaki bango mai na libanga;
Apasolaki libanga mpe asalaki ete mai ebima.”+