Nzembo
Mpo na mokambi ya nzembo; na Gitite.* Mondule ya bana ya Kora.+
2 Mobimba* na ngai nyonso ezali na mposa makasi,
Ɛɛ, nazali na mposa makasi ya mapango ya ndako ya Yehova.+
Motema na ngai mpe mosuni na ngai
Ezali koganga na esengo mpo na Nzambe ya bomoi.
3 Ata ndɛkɛ mpe ezwi ndako kuna
Mpe nyampeke emisaleli zumbu* na yango,
Epai ebatelaka bana na yango
Pembeni ya etumbelo na yo monene, Ee Yehova ya mampinga,
Mokonzi na ngai mpe Nzambe na ngai!
4 Esengo na baoyo bazali kofanda na ndako na yo!+
Basanzolaka yo ntango nyonso.+ (Sela)
5 Esengo na bato oyo bazwaka makasi epai na yo,+
Baoyo mposa ya motema na bango ezali na banzela oyo ezali komema na ndako na yo.
6 Ntango bazali koleka na Lobwaku ya mwa banzete ya Baka,
Bakómisi yango esika ya maziba;
Mpe mbula ya ebandeli elatisi yango* na mapamboli.
8 Ee Yehova Nzambe ya mampinga, yoká libondeli na ngai;
Yoká, Ee Nzambe ya Yakobo. (Sela)
10 Mpo mokolo moko na ndako na yo eleki mikolo nkóto epai mosusu!+
Naponi kotɛlɛma na ekɔtelo ya ndako ya Nzambe na ngai
Na esika nafanda na bahema ya bato mabe.
Yehova akoboya te kopesa eloko moko ya malamu
Na baoyo bazali kotambola na bosembo.+