Yobo

 2 “Moto ya bwanya akoyanola nde na makanisi oyo ezangá ntina,*

To akotondisa nde libumu na ye na mopɛpɛ ya ɛsti?

 3 Kopamela kaka na maloba ezali na ntina te,

Mpe diskur yango moko ezali na litomba moko te.

 4 Mpo osali ete kobanga Nzambe ezala lisusu na ntina te,

Mpe olɛmbisi mposa nyonso ya kokanisa na mozindo makambo etali Nzambe.

 5 Libunga na yo nde ezali kotinda yo oloba bongo,*

Mpe oponi maloba ya mayele mabe.

 6 Monɔkɔ na yo moko ezali kokweisa yo, kasi ngai te;

Mbɛbu na yo moko ezali kofunda yo.+

 7 Yo nde moto ya liboso oyo abotamá,

To, obotamaki liboso ete bangomba mike ezala?

 8 Oyokaka nde masolo ya nkuku ya Nzambe,

To okanisi ete bwanya esuki kaka epai na yo moko?

10 Moto ya nsuki mpɛmbɛ ná mobange bazali kati na biso,+

Bato oyo bazali mikóló ya tata na yo.

11 Mabɔndisi ya Nzambe ekoki na yo te,

To maloba oyo balobi na yo na boboto ekoki na yo te?

12 Mpo na nini motema na yo ezali komema yo mosika,

Mpe mpo na nini miso na yo ezali kongɛnga na nkanda?

13 Osilikeli Nzambe,*

Mpe otiki maloba ebima na monɔkɔ na yo moko.

14 Moto, mowei mpamba, azali nani mpo azala pɛto,

To moto oyo abotami na mwasi mpo azanga mbeba?*+

15 Talá! Andimelaka basantu na ye te,

Mpe ata likoló ezali pɛto te na miso na ye.+

16 Ekozala boni na moto oyo azali na bosɔtɔ mpe abebá,+

Moto oyo amɛlaka kozanga bosembo lokola mai!

Nakoloba oyo namoná,

18 Makambo oyo bato ya bwanya balobi, bazwi yango epai ya batata na bango+

Mpe babombi yango te.

19 Mokili epesamaki kaka epai na bango,

Mpe mopaya moko te alekaki na kati na bango.

20 Moto mabe amonaka bwale mikolo nyonso ya bomoi na ye,

Na boumeli ya bambula nyonso oyo babombelá monyokoli.

21 Lokito ya makambo ya nsɔmɔ ezali na matoi na ye;+

Na ntango ya kimya, bapunzi babundisaka ye.

22 Andimaka te ete akobika na molili,+

Abombami mpo na kokufa na mopanga.

24 Mpasi ná bwale ezali se kopesa ye nsɔmɔ;

Eleki ye makasi lokola mokonzi oyo azali pene ya kobunda.

25 Mpo azali kotombolela Nzambe lobɔkɔ na ye,

Mpe azali komeka kotɛmɛla* Mozwi-ya-Nguya-Nyonso;

26 Na motó makasi na ye, apumbwe likoló na Ye,

Na nguba na ye ya makasi mpe ya monene;*

27 Elongi na ye ezipami na mafuta,

Mpe loketo na ye etondi na mafuta;

28 Azali kofanda na bingumba oyo ekobebisama,

Na bandako oyo moto te akofanda,

Oyo ekokóma mabondo ya mabanga.

29 Akokóma mozwi te, mpe bozwi na ye ekobakisama te,

Biloko na ye mpe ekopalangana na mokili te.

30 Akobika te na molili;

Mɔtɔ ekokaukisa mwa etape na ye,*

Mpe akokufa na kofula ya monɔkɔ ya Nzambe.*+

31 Asengeli te kobunga nzela mpe kotya motema na eloko oyo ezangi ntina,

Mpo oyo akozwa na esika na yango ekozala eloko oyo ezangi ntina;

32 Yango ekosalema liboso ya mokolo na ye.

Mpe bitape na ye ekotonda na nkasa te.+

33 Akozala lokola nzete ya vinyo oyo ekweisaka mbuma na yango oyo eteli te,

Mpe lokola nzete ya olive oyo ebwakaka bafololo na yango.

34 Mpo liyangani ya bato oyo batosaka Nzambe te* ebotaka mbuma te,+

Mpe mɔtɔ ekolya bahema ya kanyaka.

35 Bakumbaka mpasi lokola zemi mpe babotaka makambo ya mabe,

Mpe libumu na bango ebotaka bokosi.”