Tosala na bomoko elongo na college central

“Akotya ye likolo na biloko nyonso bizali na ye.”​—LUKA 12:44.

 1. Kati na bokonzi nini Klisto abandaki koyangela na mobu 33, mpe na nzela nini?

NA Pantekote ya mobu 33, Yesu Klisto, Mokonzi ya lisangá, abandaki koyangela kati na bokonzi ya baombo na ye bapakolami na elimo. Na nzela nini? Na nzela na elimo santu, na baanzelu mpe na collége central moko awa na mabelé. Lokola ntoma Paulo alobaki yango, Nzambe ‘abikisaki baklisto bapakolami na elimo longwa na nkanga na molili mpe akotisaki bango na bokonzi na Mwana na ye na bolingo’.​—Bakolose 1:13-18; Misala 2:33, 42; 15:2; Bagalatia 2:1, 2; Emoniseli 22:16.

 2. Kati na Bokonzi nini eleki monene Klisto abandaki koyangela na 1914?

² Na nsuka ya “ntango oyo epesamaki na mabota”, Jéhovah abakisaki nguya ya bokonzi na Klisto, koleka bokonzi oyo azalaki na yango liboso bobele likoló na lisangá ya boklisto. (Luka 21:24) Ee, na 1914, Nzambe apesaki na Mwana na ye bokonzi likoló na “mabota”, “bokonzi ya mokili”, na elobeli mosusu likoló na mokili mobimba.​—Nzembo 2:6-8; Emoniseli 11:15.

Batiami likoló na “bozwi na ye nyonso”

 3, 4. (a) Kati na lisese ya mosolo oyo Yesu apesaki, moto na lokumu elimboli nani? (b) Makambo nini matali Bokonzi masalemaki na 1918 mpe na 1919?

³ Na ntina yango, ezali malamu na kotalela lisese oyo kati na yango Yesu alobeli moto moko ya lokumu mingi. (Luka 19:11-27) Liboso ya kokende na mboka mopaya mpo na kozwa bokonzi, mobali yango apesaki mosolo (mines) epai na baombo na ye mpo ete basala na yango mombongo mpo eyikana. Na bozongi na ye, mobali yango, elilingi na Klisto, abengaki penepene na ye “baombo na ye oyo apesaki bango mosolo, mpo ayeba soko moto na moto azwi boni na mombongo na ye”. (Luka 19:15.) Ndenge nini makambo malekaki nsima wana Yesu autaki kozwa bokonzi?

⁴ Na 1918, Mokonzi azwi bokonzi, Yesu Klisto, akutaki etuluku moke ya baklisto oyo batikaki Mangomba ya boklisto ya mokili oyo mpe bazalaki kobatela na molende bozwi ya Nkolo na bango awa na mabelé. Na 1919, nsima na kopetola baombo yango lokola na móto, Yesu apesaki bango bokonzi moko monene koleka. (Malaki 3:1-4; Luka 19:16-19) Atiaki bango “likoló ya bozwi na ye nyonso”.​—Luka 12:42-44.

“Bilei na elaka na yango”

 5, 6. (a) Mokumba nini moleki monene kapita na Klisto azwaki? (b) Bisakweli nini bisengelaki kokokisama nsima ya 1914, mpe ndenge nini kelasi ya kapita esengelaki kosangana na molende nyonso na kokokisama na yango?

⁵ Mokonzi Yesu Klisto, oyo sikawa asili kobanda mosala, apesaki mikumba mileki minene epai na kapita na ye, to mobateli ya biloko na ye awa na mabelé. Na bongo, baklisto bapakolami basengelaki kozala “bantoma” na Nzambe na esika ya mokonzi moko oyo azwi bokonzi mpe apesameli bokonzi likoló ya bato nyonso ya mokili. (2 Bakolinti 5:20; Danyele 7:14) Mokumba na bango ya etuluku esengelaki te kozala bobele mpo na kopesa na bato na Klisto, bapakolami na elimo, “bilei na bango na elaka na yango”. (Luka 12:42.) Basengelaki uta ntango yango kosangana na kokokisama ya bisakweli oyo bisengelaki kokokana nsima na kosalama ya Bokonzi na 1914.

⁶ Mikumba yango minene mitelelaki likambo nini? Mitalelaki kopalanganisa mosala ya kosakola nsango malamu na bokonzi na mokili mobimba oyo bato bafandi’. (Matai 24:14.) Mitalelaki mpe kosakola bansango ya nguya ya lisambisi kotemela ebongiseli mabe ya Satana mpe ya bato na ye. Kosakolama yango ezalaki na nguya ya ‘koningisa mabota’. Na bongo, “biloko na motuya”, “bampate mosusu” ya Klisto, babandaki kokota. (Agai 2:7; Yoane 10:16) Kobanda na 1935, kati na mokili mobimba “ebele monene” babandaki kosopana epai na lisangá ya Jéhovah. (Emoniseli 7:9, 10) Esengelaki bongo kokotisa mbongwana mokemoke kati na lisangá. Na elobeli ya elilingi, ebende esengelaki kokitana na esika ya mabanga, kwivre na esika ya mabaya, palata na esika ya ebende mpe wolo na esika ya kwivre. (Yisaya 60:17) Mbongwana nyonso wana esalemaki kobanda na 1919, na kotambwisama na Yesu Klisto, oyo apesaki bozwi na ye, elingi koloba matomba nyonso ya Bokonzi na ye awa na mabelé, na maboko ya kelasi ya moombo na ye ya sembo mpe na collége central na yango.

 7. Mikumba mibakisamaki na kapita mizalaki kotalela nini?

⁷ Toyebi malamu ete kilo monene ya mikumba wana oyo mizalaki likoló na mapeka ya moombo (kapita, to mobateli ya biloko) ya Nkolo esengaki mosala monene ya kokoma mpe kobimisa mikanda. Esengelaki kopesa mbala na mbala mpe na elaka na yango bilei ya elimo kati na Mosenzeli. Na 1919 L’Age d’Or ebimaki (zulunalo ebimisami na bakomi se moko wana, oyo na nsima ebengamaki consolation, mpe nsima lisusu Réveillez-vous!) mpo na kolamusa mposa ya bato longola likambo ya kolendisa “basali na ndako”. (Matai 24:45.) Ebele na mikanda, na ba brochures mpe na ba tracts enyatamaki lisusu na boumeli ya mibu.

Kobongisama lisusu mpe lisusu

 8. Banani bayebanaki liboso ete bazali basangani ya college central, mpe maloba nini La Tour de Garde eyebisaki yango na 1944?

⁸ Soki tozongisi miso mwa nsima kati na “mikolo ya nsuka”, tozali kokamwa te na komona ete bandeko bazalaki kokanisa liboso ete basangani ya college central bazali bandeko oyo bazali kosala na biro ya kokoma mikanda ya la Société Watch Tower. (Danyele 12:4) Lisolo oyo elobaki “Kobongwana ya makambo sikawa mpo na kokokisa yango na lolenge ya kotambwisama ya teokratike”, oyo ebimaki kati na La Tour de Garde ya ler Novembre 1944, (ebimeli ya Lingelesi.) elobaki: “Baoyo bapesamelaki mokumba ya kosakola solo ya Biblia oyo eyebisami batalelamaki lokola college central oyo eponami na Nkolo. college central yango esengeli kotambwisa mpe kokamba baoyo nyonso balingi kosambela Nzambe na elimo mpe na solo mpe baoyo bazali kosalela ye na bomoko na kosakola solo oyo epai na bato mosusu oyo bazali na nzala mpe na mposa ya mai.”​—Ebimeli ya Lifalanse ya 15 Janvier 1946.

 9. Na nsima, college central emonisamaki lokola ete esalami na banani, mpe mpo na nini?

⁹ Esengelaki kokokisa mibeko ya Leta mpo na kobimisa bazulunalo mpe mikanda misusu oyo mikolimbolaka Biblia. Yango wana la Watch Tower Bible and Tract Society esalamaki mpe ekomamaki na mikanda ya Leta ya Pennsylvanie, na Etats​—Unis. Na boumeli ya mibu, ndimbola ezalaki kopesama ete Collége central ya ntango na biso esalemi na bandeko nsambo oyo basalaki conseil d’administration ya association yango oyo ebongisamaki kati na mokano ya kobimisa mikanda mpo na boyekoli ya Biblia oyo ezalaki na ntina mingi mpo na basaleli ya Nkolo kati na mokili mobimba.

10, 11. Kobongisama nini esalemaki na 1944, mpe maloba nini malobamaki kati na La Tour de Garde mpo na ntina yango?

¹⁰ Batambwisi nsambo ya la Société bazalaki baklisto ya sembo. Nzokande, mokumba oyo bazalaki na yango kati na association oyo endimami na Leta ekokaki kopesa likanisi ete bazalaki kati na college central mpamba te basangani ya la Societé Watch Tower oyo bayebani na Leta baponaki bango. Epai mosusu, na ebandeli, mobeko ezalaki kopesa nzela bobele na mwa ndambo na bato oyo bazalaki kopesa makabo na la Société mpo na kozala basangani ya association mpe kopona to kovoté bakambi ya la Société. Esengelaki kobongola lolenge wana ya kosalela. Ezali yango nde esalemaki na ntango ya likita ya nsuka mbula ya association ya Pennsylvanie oyo esalemaki na le 2 Octobre 1944. Mibeko ya la Société Watch Tower mibongisamaki na boye ete basangani na yango bakoka lisusu koponama te na nzela na likambo etali mosolo, kasi kati na basaleli ya sembo ya Jehovah. Na bongo, association ezwaki kati na basangani na yango ebele na bavolontere oyo bazali kosala ntango nyonso kati na biro monene ya la Société na Brooklyn (Etats-Unis), mpe kati na ba filiales na yango na mokili mobimba.

¹¹ Na ntina na kobongisama wana, kati na ebimeli na yango ya Lingelesi ya ler Novembre 1944, La Tour de Garde elobaki boye: “Mosolo, oyo ya makabo, esengeli kotalelama te; na yango, esengeli kokotisa bopusi te kati liponi ya basangani ya college central ya ba Témoins de Jéhovah awa na mabelé. . . . Ezali nde elimo santu, nguya ya mosala oyo ezali kouta na Jéhovah Nzambe na nsima na Yesu Klisto, yango nde esengeli kozala na bopusi mpe kokamba biso kati na likambo yango.”Tala ebimeli ya Lifalanse ya 15 Janvier 1946.

Ekeseni na conseil d’administration

12. Nini emonisi ete Jéhovah apambolaki mbongwana oyo esalemaki na nse na batambwisi ya college central?

¹² Bokoli oyo mosala ya kosakola ezwaki na boumeli ya mibu mingi milandaki na nsima emonisi ete Jehovah azalaki kopambola mbongwana nyonso wana kati na lolenge ya kotalela college central. (Masese 10:22) Motuya ya basakoli na Bokonzi kati na mokili mobimba elongwaki na nse ya 130 000 na 1944 kokoma kino na 1 483 430 na 1970. Kasi mbongwana mosusu esengelaki lisusu kosalema.

13. (a) Kino na 1971 bakanisaki ntango nyonso ete basangani ya college central ezali banani? (b) Likambo nini elekaki na ntango ya likita ya nsuka ya mbula ya la Société na 1971?

¹³ Na 1971, college central ezalaki ntango nyonso kotalelama ete ezali basangani nsambo ya conseil d’administration ya la Watch Tower Bible and Tract Society of Pennsylvania. Ezalaki mingimingi président ya la Société nde azalaki kokokisa mokumba ya kozwa bikateli bitali kotambwisama ya bafiliale kati na mokili mobimba. Kasi badiskur oyo ezali naino kati na makanisi ya bato epesamaki na ntango ya likita ya nsuka ya mbula oyo esalemaki le ler Octobre 1971. Président ya la Société alobelaki lisolo “Esika mosantu ekotisami kati na ezalela na yango ya solo”, mpe vice-président asalaki lisolo oyo elobi “Collége central ekeseni na association oyo endimami na Leta”. Likeseni ezali nini kati na college central mpe association moko oyo endimami na Leta?

14. Monisa likeseni kati na college central mpe association moko oyo ekomami na mikanda ya Leta?

¹⁴ Lokola yango elimbolami na baparagrafe eleki, la Watch Tower Bible and Tract Society of Pennsylvania ezali na conseil d’administration moko oyo motuya ya basangani na yango esuki bobele na nsambo. Baklisto wana bamipesi na Nzambe baponamaka mpo na mibu misato epai na basangani ya association oyo motuya na bango nyonso bazali 500 mpe motuya moleki monene kati na bango bazali baklisto bapakolami te. Lisusu, lokola kosalama mpe koumela ya association yango ezali bobele na nzela ya mibeko ya Leta mpe lokola association yango ezali na esika na yango na mboka moko oyo eyebani, Leta akoki koboma yango to kosukisa yango engebene mibeko na ye. (Malako 12:17) Nzokande, college central esalemi na nzela na mibeko ya Leta te. Basangani na yango baponamaka na nzela ya vote te. Baponamaka na nzela ya elimo santu na litambwisi ya Jéhovah Nzambe mpe ya Yesu Klisto. (Tala Misala 20:28) Lisusu, basangani ya college central bazali baklisto baponami na elimo santu oyo basengisami te na kofanda esika moko ya sikisiki kati na mokili to na mboka epai association ekomamaki na mikanda ya Leta.

15. Maloba nini mataleli lisangá makomamaki kati na La Tour de Garde, ebimeli ya Lingelesi ya 15 Décembre 1971, mpe tokoki koloba nini mpo na Collége central na mikolo na biso?

¹⁵ Mpo na ntina etali boyebi malamu wana, ebimeli ya Lingelisi ya La Tour de Garde ya 15 Décembre 1971 (ebimeli ya Lifalanse ya 15 Mars 1972 elobaki: “Na botondi nyonso, ba Témoins baklisto ya Jéhovah bandimi mpe basakoli na bato ete lisangá na bango ezali oyo ya moto te, kasi ezali na college central ya baklisto bapakolami na elimo.” college central ya kelasi ya bapakolami (moombo) mpe ya bankoto ya baninga na bango kati na bampate mosusu ezwaki mokemoke biloko nyonso oyo bazalaki na yango mposa mpo na kokokisa mokumba na bango ya kokengela.

16. Na meko nini bozwi ya Klisto awa na mabelé ebakisamaki kobanda 1971, mpe mikumba nini mitali bozwi yango mipesamaki na moombo na sembo mpe na mayele, oyo emonisami na College central?

¹⁶ Bozwi ya Mokonzi Yesu Klisto awa na mabelé ezali se kobakisama ntango nyonso. Kolongwa na nse ya 1 600 000 na 1971, motuya ya ba Témoins ekomaki koleka 3 700 000 na 1989. Oyo nde elembo kitoko ya lipamboli ya Jéhovah! (Yisaya 60:22) Mpo na kotalela malamu bokoli oyo nyonso esengelaki koyeisa monene bandako ya mosala mpe ya kolalisa bato kuna na siege mondial ya la Société mpe na bafiliale na yango. Esengelaki kosalela bamasini ya sika mpo na konyata mikanda mpe kokabola yango. Esengelaki kotonga ba Salles du Royaume mingi mpe ba Salles d’assemblées kati na mokili mobimba. Na eleko bobele moko wana, college central alandaki kotambwisa mosala ya kosakola, ya kobimisa mikanda ya boyekoli na Biblia mpe kopona bakengeli kati na bafiliale, ba distrike, ba circonscriptions mpe masangá. Ezali wana matomba ya Bokonzi oyo Klisto apesaki epai na moombo na sembo mpe na mayele, oyo amonisami na college central na yango.

17. Kobongisama nini mosusu esalemaki na 1971, na 1974 mpe na 1976 mpo na kokomisa pepele mosala ya kokengela?

¹⁷ Na ekeke ya liboso, college central eyeisamaki monene mpo na kokotisa baklisto mosusu na esika ete ezala bobele bantoma na Yesu bango moko. Ntango likambo ya kokatama ngenga ebongisamaki, emonani ete college wana, esalamaki na ‘bantoma mpe na bankulutu ya Yelusaleme’. (Misala 15:1, 2.) Ndenge moko, college central eyeisamaki monene na 1971, mpe lisusu na 1974. Mpo na kokomisa pepele mosala ya kokengela oyo esalemi na basangani na yango, college central esalaki ba comité mitano oyo ezali kosala uta le ler Janvier 1976. comité moko na moko ezali na basangani misato kino motoba, oyo bango nyonso bazali na bokonzi motindo moko kati na makambo oyo matalelami. Président ya comité moko na moko asalaka mpo na boumeli ya mbula moko, mpe basangani ya college central bazali kati na comité moko to na ba comité mingi na yango. comité moko na moko ezali na mokumba ya kotalela na sikisiki eteni moko ya bozwi ya Klisto awa na mabelé. comité ya motoba, comité ya président, oyo basangani na yango babongwanaka mbula nyonso, batalelaka makambo oyo mazali kosenga bikateli ya nokinoki.

Tosala na bomoko elongo na college central

18. Ndenge nini college central ezali kokokisa mosala na yango, mpe motindo nini tokoki kosala na bomoko elongo na yango?

¹⁸ Ba comité wana ya college central eyanganaka poso na poso mpo na kotalela makambo ya ntina, kokamata bikateli nsima na kokanisa kati na libondeli, mpe kobongisa makambo matali mosala ya Nzambe mpo na mikolo mizali liboso. Lokola yango eyebisami na paragrafe moko eleki, mokapo 15 ya Misala na Bantoma ezali komonisa ete likambo moko monene oyo esengelaki kokatama ekumbamaki liboso na college central ya ekeke ya liboso. Motindo moko mpe lelo, makambo ya ntina mayebisami epai na college central, oyo bango nyonso bayanganaka elongo mbala moko kati na poso to mpe mbala mingi soki yango esengeli. Basangani ya college central, oyo bazali sikawa na motuya ya 12, balukaka litambwisi ya Jehovah Nzambe na nzela na Makomami mpe na libondeli. Tokoki komonisa ete tozali kosala na bomoko elongo na Collége central soki tozali kokanisa basangani na yango kati na mabondeli na biso ya mokolo na mokolo.​—Baloma 12:12.

19. Ndenge nini malako mauti na college central mazali kokomela masangá?

¹⁹ Ndenge nini malako mpe bikateli ya College central ekomelaka masangá? Na ekeke ya liboso, nsima wana basangani ya college central bazwaki ekateli na bango na lisalisi ya elimo na Nzambe, batindaki mokanda na masangá. (Misala 15:22-29) Kasi, na mikolo na biso, ezali mingimingi na nzela na baperiodike mpe ba publications mosusu ya boklisto nde bazali kosala yango.

20. (a) Ebongiseli nini mosusu ebandaki kosalelama na 1976? (b) Ndenge nini ba comités ya filiale ezali kosala na boyokani elongo na college central?

²⁰ Kobanda le ler Février 1976, filiale moko na moko ya la Société Watch Tower ezali na comité moko ya filiale oyo kati na yango ezali na mibali ya makoki oyo baponami na Collége central. Lokola bandeko yango bazali komonisa Collége central kati na mokili moko to mikili mingi oyo filiale na bango ezali kotambwisa, basengeli kozala bato ya sembo. Yango ezali kokundola biso mibali ya makoki mpe bato ya kotyela motema, bato bakobangaka Nzambe, oyo bazalaki kosalisa Moise na kosambisa bato kati na Yisraele ya kala. (Exode 18:17-26) Basangani ya comité ya filiale bazali kosalela batoli oyo bazali kozwa na nzela ya bapiblikasio, ya bazulunalo mpe ya Mosala na biso ya Bokonzi oyo ebimisami na la Société, bakisa mpe na nzela ya mikanda mitali bato banso mpe ya mikanda ya sipesiale oyo mizali kotalela makambo ya mboka moko na moko. comité ya filiale eyebisaka college central mpo na bokoli ya mosala kati na mokili oyo epesamelaki bango mpe na mikakatano nyonso oyo mikoki kobima. Ba rapports oyo ezali kouta na mikili nyonso ezali kosalisa college central na koyeba masolo nini makoki kobimisama kati na mikanda ya la Société.

²⁰ Na kotambwisama na elimo santu, comité ya filiale ezali kotinda nkombo ya mibali oyo bakembi mpe bateli na elimo mpo na kozwa mikumba ya bakengeli ya circonscription mpe ya distrike. Soki collége central andimi bandeko yango, bango bakokoma bongo bakengeli ya zongazonga. Bazali kokende kotala ba circonscriptions mpe masangá mpo na kolendisa elimo na bango mpe kosalisa bango na kobatela malako oyo bazwaki uta na College central. (Misala 16:4; Baloma 1:11, 12) Bakengeli ya zongazonga bazali kotinda ba lapolo na biro ya filiale. Na lisalisi ya elimo santu mpe ya Makomami mapemami, bakengeli yango oyo bakotambolaka mpe bankulutu ya masangá bazali kotinda nkombo ya baklisto oyo bakokisi masɛngami mpo na koponama basaleli na misala to bankulutu epai na college central to na bamonisi na ye.​—Bafilipi 1:1; Tito 1:5; tala 1 Timote 3:1-13; 4:14.

21. Ndenge nini bakengeli ya zongazonga baponamaka, mpe mosala na bango ezali nini?

²¹ Na ngambo na bango, baoyo baponami bankulutu kati na masangá ‘bazali kokeba na ntina na bango mpenza mpe na ntina na etonga mobimba oyo elimo santu esili kotia bango bakengeli na yango’. (Misala 20:28.) Bakengeli yango bazali kosala milende na bosembo nyonso mpo na kosalela malako oyo Jéhovah Nzambe mpe Yesu Klisto bazali kopesa bango na nzela ya moombo na sembo mpe na mayele mpe ya college central na yango. Jéhovah azali kopambola bibongiseli wana ya teokratike, mpamba te ‘masangá mazali kolendisama na kondima mpe motuya na bango ezali koleka monene mokolo na mokolo’.​—Misala 16:5.

22. (a) Ndenge nini bankulutu bazali kosala na boyokani elongo na collége central? (b) Nini emonisi ete jéhovah apamboli bibongiseli yango ya teokratike.

²² Oyo nde elendiseli na komona ete elongo na Nkolo, Yesu Klisto, Jéhovah azali kosunga libota na ye na nzela ya college central! (Nzembo 94:14) Lisungi yango ezali kopesa bolamu epai ya moko na moko na biso oyo tozali kati na lisangá ya Jéhovah. (Nzembo 145:14) Tosengeli kozwa lisusu ekateli koleka mpo na kokokisa bomoi na biso na bibongiseli bikamatami na Nzambe. Ee, tika ete tosala ntango nyonso na bomoko elongo na college central ya ba Témoins de Jéhovah, lokola ezali biso kopusana na eleko oyo “mokili ekotonda na boyebi na Jéhovah lokola mbonge ekozipaka mai​—na​—monana”!​—Yisaya 11:9.

Bozongeli

◻ Mikumba nini minene kelasi ya kapita bazwaki na 1919?

◻ Na boumeli ya ebele na mibu, bandeko bazalaki kokanisa ete college central ezali banani?

◻ Mbongwana nini esalemaki mpo na oyo etali koponama ya basangani ya college central?

◻ Bozwi nini ya Klisto awa na mabelé epesamaki na kelasi ya moombo na sembo mpe na college central na yango?

◻ Ndenge nini tokoki kosala na bomoko elongo na college central?

23. Ekateli nini tosengeli kozala na yango liboso na college central?

[Bililingi na lokasa 16, 17]

Longwa na biro na yango monene oyo ezwami na Brooklyn (New York), collége central ezali kotambwisa mosala ya kobimisa mikanda mpe mosala ya kosakola ya ba Témoins de Jéhovah kati na bafiliales 93 ya la Société Watch Tower.

Allemagne

Afrique du Sud

Japon, Brésil