Loyembo 133

Tólóna mbóto ya Bokonzi

(Matai 13:4-8, 19-23)

1. Boya, bino basaleli ya Nzambe,

Bino bomipesi na ye.

Bókokisa mosal’apesi bino;

Bómekola Mwana na ye.

Bólonaka solo bisika binso;

Yango ekobota mbuma

Na mabelé malamu; ekozala

Mpo na lokumu ya Yehova.

2. Mombóto mokwei kati na nzela,

Bandeke balei yango.

Oyo’ekwei na libangá, mosika te,

Elɛmbi na momekamo.

Mitungisi bɛɛ kati na mosuni

Ekobebisaka nkoná.

Esengo mpo mosusu, na mabelé

Malamu, yango ekokwea.

3. ’Te mombót’ebota mbuma malamu,

Tokosala na makasi.

Tokoki, mpo na mawa mpe bolingo,

Kobundisa botɛmɛli.

Tómisɛnzɛla, tólóngola nzúbe

Mpo nkoná ebota mbuma.

Tokozwa nde esengo ya kobuka

Mbuma na meko tokosala.