Tólona mboto ya Bokonzi

1. Bóya bino baombo’a Nzambe,

Bópesa Ye nyonso mpenza.

Bóya na mosala ya Nkolo,

Mpe ndakisa n’e bólanda.

Bólona mpe mboto na mitema

Malamu mpe bóbanga te

Na lokumu ya Nzambe, bómipesa

Mobimba na mosala na ye.

2. Mbuma mosusu bokolona,

Ekokwea na mabanga.

Bakondima mpo na mwa ntango,

Mpos’a moto’ekomonana.

Ntango nzub’etye liloba nkaka;

Bakolanda nde mokili.

Kasi, ya malamu’ekobota mbuma,

Na mabele malamu mingi.

3. Mpo na kobota mbuma mingi,

Etaleli kaka bino.

Motema molai, bolingo,

Nde ekosalisa bango.

Bótyelaka bango likebi mpe,

Bakobanga lisusu te.

Bokosepela mpe bokozela nde

Na esengo mbuma ebele.