Monisá nguya ya Liloba ya Nzambe na mosala na yo ya kosakola
Soki moto andimi tóyebisa ye nsango malamu, tosalelaka malamu libaku yango mpo na komonisa nguya ya Liloba ya Nzambe na kotángela ye bavɛrsɛ mbala moko na kati ya Biblia. Likambo yango elobelamaki mingi na liyangani ya mokolo moko ya mobu eleki. Mokɛngɛli ya zongazonga asalaki diskur oyo ezalaki na motó ya likambo: “Monisá nguya ya Liloba ya Nzambe na mosala na yo ya kosakola.” Ozali lisusu koyeba makambo ya ntina ya diskur yango?
Mpo na nini Liloba ya Yehova ezali na nguya mingi koleka maloba na biso?—2 Tim. 3:16, 17.
Ndenge nini Biblia esimbaka mayoki, ebongisaka makanisi, esalisaka moto azwa bikateli ya malamu mpe ebongisaka bizaleli?—Talá Linɔ́ngi ya Mosɛnzɛli ya 15/06/2012, lok. 27, par. 7.
Ntango totángeli moto vɛrsɛ na mosala ya kosakola, ndenge nini tokoki kobenda likebi na ye na Liloba ya Nzambe na ndenge oyo ekotinda ye apesa Biblia limemya?—Talá buku Eteyelo ya mosala, lok. 148, par. 3-4 mpe Mosala na biso ya Bokonzi ya sanza ya misato 2013, lok. 6, par. 8.
Mpo na nini ezali na ntina ete tólimbola mpe tókanisa na bato na bavɛrsɛ oyo totángi, mpe ndenge nini tokoki kosala yango?—Mis. 17:2, 3; talá buku Eteyelo ya mosala, lok. 154, par. 4 tii na lok. 156, par. 5.