- - Bilidadi ubulela lwabulaalu (1-6)
    - ‘Mutu ukona kuba cwañi yasina mulatu fapilaa Mulimu?’ (4)
    - Utalusa kuli busepahali bwa mutu ki bwa mbango (5, 6)

Musine fa nombolo ya timana kuli mubone timana ya mwa Bibele yeswalisana ni taba ye.

Bibele Ya Toloko Ya Lifasi Lelinca

Jobo 25:1-6

Jobo

25 Bilidadi+ wa Mushuha aalaba, ali:

2 “Bubusi ni maata asabisa ki zahae;

Ki yena yatahisa kozo mwa lihalimu.*

3 Kana limpi zahae zakona kubalwa?

Ki mañi yasamonyehelwi ki liseli lahae?

4 Cwale mutu yakona kushwa ukaba cwañi yalukile fapilaa Mulimu,+

Kamba mutu yapepilwe ki musali ukaba cwañi yasina mulatu?*+

5 Nihaiba kweli haibenyi

Mi linaleli halisika kena mwa meeto ahae,

6 Kucwañi mutu yakona kushwa, yali libuku,

Ni mwanaa mutu, yali libuku!”