Lisamu

2 Macaba ahalifeziñi

Mi batu bañuñunelañi* zesina tuso?+

 2 Malena ba lifasi bayemi

Mi makwambuyu bakopani hamoho*+

 3 Bali: “Halupumeñi mawenge abona

Ni kuyumba mihala yabona!”

 4 Yainzi mwa lubona mwa mahalimu ukaseha;

Jehova uka basheununa.

 5 Ka nako yeo, ukabulela ku bona ka buhali bwahae

Mi uka basabisa ka buhali bwahae bobutuka,

 6 Ali: “Na kasibili nibeile mulena waka mwa lubona+

Fa Sione,+ lona lilundu laka lelikenile.”

 7 Kashe nishaele taelo ya Jehova;

Unibulelezi kuli: “Ki wena mwanaka;+

Kacenu nibile ndataho.+

 8 Unikupe, mi nika kufa macaba kuli abe saanda sahao

Ni mafelelezo a lifasi kuli abe liluwo lahao.+

 9 Uka bapwaca ka mulamu wa bulena wa sipi,+

Mi uka batuba inge piza ya lizupa.”+

10 Cwale mina malena, mubonise kutwisiso;

Mulumele kuhakululwa,* mina baatuli ba lifasi.

11 Musebeleze Jehova ka sabo,

Mi mutabe ka tutumelo.

12 Mukuteke* mwana,+ hakusicwalo Mulimu* ukahalifa

Mi mukayundiswa mwa nzila,+

Kakuli buhali Bwahae bukatuka kapili.