Lisamu

Mumulumbeke, mina batanga ba Jehova,

Mulumbeke libizo la Jehova.

 2 Libizo la Jehova lilumbekwe

Kuzwa cwale ni kuya ­kuile.+

 3 Kuzwa kwa mapazulelo kuisa kwa malikelelo,

Libizo la Jehova lilumbekwe.+

 4 Jehova u fahalimwaa macaba kaufela;+

Kanya yahae i fahalimwaa mahalimu.+

 5 Ki mañi yaswana ni Jehova Mulimu waluna,+

Yapila* kwahalimu?

 6 Uinama kuli abone lihalimu ni lifasi,+

 7 Kuli azwise wa mayemo a kwatasi mwa liluli.

Unanula mubotana mwa libunda la mufuse*+

 8 Kuli amuinise ni babakutekeha,

Babakutekeha ba sicaba sahabo yena.

 9 Ufa musali wa mumba ndu

Kuli abe maa bana* yatabile.+