“Kuekeza Kwa Buikoneli Bwaluna Mwa Bukombwa—Kuluta Babanca.”

Libaka Kueza Cwalo Hakuli Kwa Butokwa: Balutiwa ba Jesu babanca batokwa kuituta ni kulemuha “lika kaufela” zanaalaezi, ili zeama kuluta babañwi niti. (Mat. 28:19, 20) Babanca babañata bakwanisize zetokwahala za kuli bafange lingambolo mwa Sikolo sa Bukombwa sa Teokratiki mi mane mwendi seba file bupaki bwa kutandalelwa kwa mabasi abona kamba kwa balikani babona. Nihakulicwalo, habanze baitebuha lika zebasweli kuituta ni kuziba kuli Jehova ubata kuli batu kaufela bautwe taba yende, mwendi bakana batabela kubonisa takazo yabona ka kuabana mwa bukombwa bwa mwa simu. (Maro. 10:13, 14) Babanca hase balumelelizwe kuba bahasanyi babasika kolobezwa, kubaluta hande kwakona kubatusa kuba ni buikolwiso ni kunga mihato yetokwahala kuli baeze zwelopili ya kwa moya.—Luka 6:40.

Mwa Kuezeza Cwalo:

Mutuse muhasanyi yomunca kufumana lihatiso zatokwa kuitusisa mwa bukombwa. Mumubonise mo mulukisezanga mukotana wamina wa mwa simu, mi mutaluse mulelo wa hatiso ni hatiso yemushimba.
Mukete akalezo yefumaneha mwa Bukombwa Bwa Luna Bwa Mubuso mi muitukiseze yona hamoho. Mususueze muhasanyi yomunca kuli abulele akalezo yeo ka manzwi ahae. Muitukiseze miezezo ye mwa buka ya Sikolo sa Bukombwa, fa likepe 82 yezibahala mwa kalulo yamina ya simu. Mukoñomeke libaka hakuli kwa butokwa kuapala hande hamuli mwa bukombwa.—2 Makor. 6:3, 4.
Muzwelepili kumutiisa. Mubonise muhasanyi yomunca kadi ya kalulo ya simu, mi mumulute mwakona kuitusiseza fomu ya pulukelo ya fa ndu ni ndu. Mumubonise mwa kuñolela bababonisize kutabela. Mumulute mwa kuitusiseza Webusaiti ya jw.org mwa bukombwa ni bukanyana ya Good News for People of All Nations. Mumutuse kuzwisezapili cisehelo ya batu banaafumani.—1 Makor. 3:6.
Mubonise pilu-telele mi mumubabazange. (Liprov. 25:11) Mumutomele mutala omunde. Tukufalelo ni lilato zemubonisa lika mutusa kwapili.

Mulike Muezezo wo Mwa Kweli ye:

Musebeze ni muituti wamina mwa bukombwa bwa fa ndu ni ndu, mi muye ni yena kwa musipili wa makutisezo kamba kwa tuto ya Bibele. Haiba hamuna muituti wa Bibele, mukupe muhasanyi yasina hande yeloseli kuli musebeze ni yena.