Yelemia

25 Kinenwa kyaile kudi Yelemia pa mwanda wa bantu bonso ba Yuda mu mwaka wa buná wa Yehoyakimi+ mwanā Yoshia, mulopwe wa Yuda, ko kunena’mba mwaka mubajinji wa Nebukaneza* mulopwe wa Babiloni. 2 Yelemia mupolofeto wanenene pa mwanda wa* bantu bonso ba Yuda ne bekadi bonso ba Yelusalema namino amba:

3 “Tamba mu mwaka wa 13 wa Yoshia+ mwanā Amona, mulopwe wa Yuda, kutūla ne dyalelo, ke myaka 23, kinenwa kya Yehova kyaile kondi, nami nadi nesamba nenu kyaba ne kyaba,* ino banwe kwivwana mpika.+ 4 Kadi Yehova wadi wimutumina bengidi bandi bonso bapolofeto, wibatuma kyaba ne kyaba,* ino banwe kwivwana mpika nansha kuta kutwi kwenu amba mwivwane.+ 5 Badi banena’mba, ‘Tubemwisāshila, muntu ne muntu avundamine mashinda andi mabi ne bilongwa byandi bibi;+ nabya mukekala nyeke kitatyi kilampe kīya’ko mu ntanda yemupele Yehova tamba kala, banwe ne bakulutuba benu. 6 Kemwakilondai baleza bakwabo nansha kwibengidila, nansha kwivukwila kobadi, kemunsanshija na mingilo ya makasa enu; shi bitupu, nkemuletela kyamalwa.’

7 “‘Kemwadipo mungivwana,’ i Yehova unena. ‘Ino mwaunsanshije na mingilo ya makasa enu, mwanda wa kyamalwa kyenu.’+

8 “O mwanda Yehova wa bibumbo wanena namino amba, ‘“Byokemwakōkelepo kinenwa kyami, 9 nsa kwityija bisaka byonso bya kungala,”+ i Yehova unena, “nsa kwityija Nebukaneza* mulopwe wa Babiloni, mwingidi wami,+ nkebaleta pa ino ntanda+ ne pa bekadi bayo ne pa mizo yonso ibajokolokele.+ Nkebonakanya fututu ne kwibalamuna ke kintu kya nzuba, kintu kya kwidilwa miluji, ne masala a lonso. 10 Nkafudija lunwa lwabo lwa kusepelela ne lunwa lwabo lwa nsangaji,+ diwi dya musoñañani ne diwi dya mutundaile,+ lunwa lwa mpelo ne kitōkeji kya kinanu. 11 Ino ntanda yonso ikekala ke masala kadi ke kintu kya nzuba, kadi ino mizo ikengidila mulopwe wa Babiloni myaka 70.”’+

12 “‘Ino shi myaka 70 ibabwana,+ nketa* mulopwe wa Babiloni ne wao muzo beshintulwile pa kilubo kyabo,’+ i Yehova unena, ‘kadi nkalamuna ntanda ya bene Kaladea ke mu ntanda mutuputupu musalwe kitatyi kyonso.+ 13 Nkafikidija pa yoya ntanda binenwa byami byonso byoneinenēne, byonso bilembelwe mu uno mukanda wanenene Yelemia bupolofeto pa mizo yonso. 14 Mwanda mizo mingi ne balopwe bakatampe+ bakebamuna bupika,+ kadi nkebalubwila mwendele bilongwa byabo ne mingilo ya makasa abo.’”+

15 Mwanda Yehova Leza wa Isalela wanena namino amba: “Yata kino kitomeno kya vinyu ya bukalabale mu kuboko kwami, wikitomeje mizo yonso konakutuma. 16 Bakatoma ne kulunduka ne kulonga bintu pamo bwa bilubi pa mwanda wa kipete kyonsa kutuma mu bukata mwabo.”+

17 Penepo kala nayata kitomeno mu kuboko kwa Yehova natomeja’kyo mizo yonso kwauntumine Yehova:+ 18 kushilwila ku Yelusalema ne bibundi bya Yuda,+ balopwe bandi ne bamfumu bandi, kwibasala, ne kwibalamuna ke kintu kya nzuba, kintu kya kwidilwa miluji ne mafingo,+ mobikadile ne dyalelo; 19 kupwa ke Felo mulopwe wa Edipito ne bengidi bandi, ne bamfumu bandi ne bantu bandi bonso,+ 20 ne bantu babo bonso basobakane; balopwe bonso ba ntanda ya Ūza; balopwe bonso ba ntanda ya bene Fidishitia,+ Ashekelona,+ Ngaza, Ekalone, ne bashele’ko ba Ashedoda; 21 Edoma,+ Moabu,+ ne bene Amone;+ 22 balopwe bonso ba Tyila, balopwe bonso ba Shidona,+ ne balopwe ba kisanga mu dijiba; 23 Dedane,+ Tema, Buza, ne boba bonso badi na nywene mitende dya ku matwi;+ 24 balopwe bonso ba bene Alabia+ ne balopwe bonso ba bantu basobakane bekele mu ntanda mutuputupu; 25 balopwe bonso ba Zimidi, balopwe bonso ba Elama,+ ne balopwe bonso ba bene Mede;+ 26 ne balopwe bonso ba kungala ba pabwipi ne ba kulampe, yeu ke yeu, ne malopwe makwabo onso a ntanda adi pano pa nshi; ne mulopwe wa Sheshake*+ nandi ukatoma ku mfulo kwabo.

27 “Kadi ukebanena’mba, ‘Yehova wa bibumbo, Leza wa Isalela wanena namino amba: “Tomai mukolwe, mulase, mupone byomukomenwa kubūka+ pa mwanda wa kipete kyonsa kutuma mu bukata mwenu.”’ 28 Ino shi abapele kuyata kitomeno mu kuboko kobe batome, wibanene amba, ‘Yehova wa bibumbo wanena namino amba: “Mufwaninwe’nka kutoma’kyo! 29 Mwanda talai! shi naleta dibajinji kyamalwa pa kibundi kiselele dijina dyami,+ le banwe mutunye kupebwa mfuto?”’+

“‘Kemukatunyapo kupebwa mfuto, mwanda nsa kwityila bekadi bonso ba ntanda kipete,’ i Yehova wa bibumbo unena.

Ukabulumina bininge kifuko kyandi kya nyeke.

Aye mwine ukatyibila bantu bonso* mambo.+

Kadi ukapāna babi ku kipete,’ i Yehova unena.

32 Yehova wa bibumbo wanena namino amba:

33 “‘Kadi boba batapwe na Yehova dyodya difuku bakekala tamba ku mfulo imo ya ntanda kutūla ne ku mfulo mikwabo ya ntanda. Kebakadilwapo nansha kukongakanibwa nansha kujīkwa kwine. Bakekala pamo bwa mboleo pa nshi.’

34 Yoyokotai, a bakumbi, kadi dilai!