Wakenda ne Nzambi

HENOKA uvua mushilangane bikole ne bantu ba mu tshikondo tshiende. Uvua mumanye ne: kudiumvua nkaya kakuvua kupepele to. Bua mu tshikondo tshiende, anu yeye ke udi Bible wamba bua bualu buende ne: “Henoka wakatungunuka ne kuenda ne Nzambi mulelela.” Mmunyi muakafikaye ku dienda ne Nzambi? Tshilejilu tshiende tshia dikima tshidi tshitulongesha tshinyi lelu eu?

Henoka wakenda ne Nzambi mulelela mu mishindu ibidi minene. Wa kumpala, wakabenga kufuanangana ne bantu bavua benza malu avua kaayi asankisha Nzambi to. Henoka ngua mu bantu ba tshipungu tshia 7 kumbukila ku Adama. Adama utshivua ne muoyo, kadi ukavua mukoke. (Tangila tshitupa tshia “Ku matuku a Henoka too ne a Samuele.”) Katshia Adama ne Eva batombokela Nzambi, bantu pa kuamba bonso mbamutombokele pabu. Kayina wakashipa muanabu Abele. Abele uvua muntu wa kumpala uvua ne ditabuja kudi Yehowa. Ndelanganyi ya Kayina ivua ne tshikisu bu tshiende anyi tshipite tshiende. (Gen. 4:23, 24) Henoka wakenza malu ne dikima, kayi ne tshikisu bu bantu ba mu tshikondo atshi to. Uvua usankisha Nzambi bualu uvua muntu wa ditalala.

Bantu bakatuadija “kubila dîna dia Yehowa” bidimu bia bungi kumpala kua Henoka kuledibua. (Gen. 4:26) Kadi bidi bimueneka ne: bavua badibila kabiyi bua kutumbisha Nzambi to, kadi bua kumupenda. Henoka uvua munange dîna dinsantu dia Yehowa ne uvua udinemeka bikole. Ke bualu kayi uvua mushilangane bikole ne bantu ba tshikondo tshiende.

Mushindu muibidi uvuaye muende ne Nzambi ngua pavuaye wenza malu avua Yehowa umulomba. Henoka uvua dijinga ne dikima dia bungi bualu uvua ne bua kuambila bantu babi mukenji wa Yehowa. Mukenji uvua wamba ne: “Tangilayi! Yehowa wakalua ne binunu ne binunu bia bansantu bende bua kulumbuluisha bantu bonso, ne bua kutuisha bonso badi kabayi banemeka Nzambi bua bienzedi biabu bionso bibi bivuabu benze mu mushindu udi kawuyi unemeka Nzambi, ne bua malu adi enza bundu onso avua benji ba mpekatu badi kabayi banemeka Nzambi bamuambe.”

Mushindu uvua Henoka mumanyishe mukenji au udi ukoka ntema yetu bualu mmuwumanyishe bienze anu bu ne: Yehowa ukavua munyoke bantu abu. Bileja muvua mêyi ende au ne bua kukumbana. Mukenji au uvua uleja bukole bua tshiji tshivua Yehowa mumvuile bantu babi abu. Henoka mmuakule muaba eu bua ‘dibenga kunemeka Nzambi’ misangu isatu mijima! Kakuyi mpata, mêyi au avua mafiikishe bantu bavua bamuteleja abu munda bikole. Nansha nanku, wakabambila tshivua Yehowa musue bua bumvue ne dikima dionso.

Ntshinyi tshiakenzabu pakumvuabu mukenji au? Bible ki mmutshileje to. Kadi udi ufila lungenyi lua ne: muoyo wa Henoka uvua mu njiwu ya lufu. Bua tshinyi tudi tuamba nanku? Bualu Bible udi wamba ne: “Pashishe wakajimina, bualu Nzambi wakamuangata.” Nzambi wakamuangata bua tshinyi? Pamuapa bualu bantu babi abu bavua bamukengesha bikole. Bu muvua Yehowa munange mulunda wende au bikole, kakalekela bantu babi abu bamuenzela bibi to. Wakangata muoyo wende. Nanku bu mukavuaye mufue, kakuvua muntu uvua mua kumuenzela kabidi bibi to; kadi Yehowa nealue kumubisha ku lufu.

Tumanye ne: Yehowa wakamupesha dipa dia pa buadi. Bible udi wamba bua Henoka ne: “Kumpala kua kumumbushabu kumuteka muaba mukuabu, wakapeta bujadiki bua muvuaye musankishe Nzambi bikole.” Pamuapa Yehowa wakamuleja mu tshikena kumona nsombelu wa ditalala wikalaye nende mu Mparadizu pa buloba. Kumpala kua Henoka kufua, uvua mutuishibue ne: Yehowa uvua mumunange ne uvua mumuanyishe bua muvuaye ne ditabuja dikole ne dikima dia bungi.

Bala bualu ebu mu:

• Genese 5:21-24

• Ebelu 11:5

• Yuda 14, 15

Lukonko lua kuelela meji:

Mmushindu kayi uvua Henoka muenze malu ne dikima?

Buela mu buondoke

1. 1. Padi Bible wamba ne: bantu bakatuadija “kubila dîna dia Yehowa,” bidi biumvuija tshinyi? (Gen. 4:26; w01 15/9 29 §3)

   Andamuna

2. 2. Henoka uvua muntu wa kumpala wa lulamatu uvua muenze tshinyi? Ntshinyi tshivua tshimuambuluishe bua kukumbaja mudimu wende? (w01 15/9 31 §5)

   Andamuna

3. 3. Kumpala kua Henoka kutuadija mudimu wa buprofete, bua tshinyi uvua pamuapa mumanye ne: mudimu au uvua ne bua kumulomba dikima dia bungi? (w06 1/10 19 §13-14) A

   Andamuna

   

4. 4. Bantu ba bungi batu bamba ne: Henoka mmuye mu diulu. Mmunyi muudi mua kubaleja ne: ki mmuye mu diulu to? (Yone 3:13; Eb. 11:5, 13)

   Andamuna

Keba malongesha

• Ndîba kayi didibi mua kutulomba bua kuikala ne dikima bua kuyisha? Bilondeshile tshilejilu tshia Henoka, ntshinyi tshidi mua kutuambuluisha? B

  Andamuna

  

• Mmunyi mudi Yehowa umvua patudi tuenda nende bikale ne dikima? (Nsu. 27:11; Eb. 11:5)

  Andamuna

• Mmunyi muudi pebe mua kuenza malu ne dikima bu Henoka?

  Andamuna

Lepesha meji

• Ntshinyi tshidi bualu ebu bundongesha bua Yehowa?

  Andamuna

• Mmunyi mudi bualu ebu bupetangana ne disua dia Yehowa?

  Andamuna

• Mbualu kayi bungebeja Henoka pabishibuaye ku lufu?

  Andamuna

Bia kutangila kabidi

Mmunyi mudi tshilejilu tshia Henoka mua kukuambuluisha paudi muaba udibu benzelangana malu ne tshikisu?

Idikija bena lulamatu, kuidikiji bavua kabayi ne lulamatu to​—Idikija Henoka; kuidikiji Lemeke to (2:53)

Mona tshivua tshipeteshe Henoka ditabuja.

“Tuendayi ne Nzambi mu bikondo ebi bia ndululu” (w05 1/9 13-17)