Mu matuku a Masiya ne bayidi bende

Malu adi malonda mu tshitupa etshi avua menzeke munda mua bidimu bu 100. Netutuadije ne bualu bua Mariya, nsongakaji muena Yuda uvua udipuekesha uvua Yehowa mupeshe mudimu munene utuye kayi muanji kupesha muntu nansha umue to. Ku ndekelu, netulonge malu a mupostolo Yone uvua Yezu munange bikole. Munkatshi mua malu abidi adibu balonde aa, mbalondamu malu a bantu bakuabu ba dikima bu mudi Yone Mubatiji, mupostolo Petelo, Mariya wa ku Magadala, Stefano, ne mupostolo Paulo. Bonso buabu bavua dijinga ne dikima mu nsombelu ya bungi. Tshilejilu, bakambila bantu bakuabu ne: Yezu uvua Masiya, nansha muvua ba bungi kabayi bitaba bualu abu to. Bakidikija Yezu ne bakamba lumu luimpe lua bualu buende nansha muvuabu babakina ne babakengesha.