Keba dîba dia kulonga malu a Nzambi

Nsombelu webe nealengele wewe ukeba dîba dia kulonga malu a Nzambi. Wewe muenze nanku, neuleje muudi udienzeja bua kukumbaja dijinga diebe dia malu a mu nyuma. Tumonayi tshivua Yezu muambe bua bualu ebu.

Tshivua Yezu muambe

“Badi bamanye ne: badi dijinga ne malu a mu nyuma mba diakalenga.”​—Matayi 5:3.

• Tuetu bonso tudi basue kupeta mandamuna a nkonko eyi: Bua tshinyi tudi ne muoyo? Bua tshinyi kudi makenga bungi nunku? Ntshinyi tshidi tshienzekela muntu padiye ufua? Kupeta mandamuna a nkonko eyi ke kudi kutupetesha disanka.

“Muntu udi ne bua kuikala ne muoyo, kabuyi anu bua diampa nkayadi, kadi bua dîyi dionso didi dipatuka mukana mua Yehowa.”a​—Matayi 4:4.

• Tudi dijinga ne biakudia bia mu nyuma anu mututu dijinga ne biakudia bia ku mubidi. Yezu wakaleja patoke ne: mbimpe tuikale tueyemena Nzambi bua atukumbajile dijinga dietu dia malu a mu nyuma.

“Dîyi diebe mbulelela.”​—Yone 17:17.

• Yezu mmutuleje mu Bible dîyi dia Nzambi mushindu wa kumpala udi Nzambi utukumbajila dijinga dietu dia malu a mu nyuma.

Tudi tukukankamija bua ukebe dîba dia kulonga malu a Nzambi ne dia kukumbaja dijinga diebe dia malu a mu nyuma bua upete disanka dia kashidi ne tshiendelele. Enza malu adi mua kukuambuluisha aa:

• Bala Bible kuyi ufuta makuta.

• Lomba Ntemu wa Yehowabua nutuadije kulonga nende Bible kuyi ufuta makuta