Zaburi
Ne jatend wer. Zaburi mar Daudi ma paro ne ji wach moro.
70 A Nyasaye, yie iresa.
Yaye Jehova, ret piyo mondo ikonya.+
2 Mad jo ma dwaro nega
Oyud wich-kuot mi ging’eng’ nono.
Bende, mad jo mamor ka masira oyuda
Odog chien ka wigi kuot.
3 Mad jo ma nyiera ni: “Ha! Ha!”
Oyud wich-kuot.
4 To yie mondo ji duto ma manyi
Obed mamor kendo moil.+
Mad ji duto mohero warruokni owach kinde duto niya:
“Miuru Nyasaye duong’.”
In e jakonyna kendo jawarna;+
Yaye Jehova, kik ideki.+