Salamo

83 Aza mangina fotsiny, Andriamanitra ô!+

Aza mangina tsy miteny na mijery fotsiny, Andriamanitra ô!

 2 Jereo fa mitabataba be ny fahavalonao,+

Ary mirehareha* ireo mankahala anao.

 3 Fetsifetsy izy ireo ka manao tetika mangingina hamelezana ny vahoakanao;

Mikaon-doha hanohitra an’ireo olona tena tianao* izy ireo.

 4 Hoy izy ireo: “Andao hofongorantsika ny fireneny,+

Amin’izay dia tsy hotsaroana intsony ny anarana hoe Israely.”

 5 Miara-mamorona paikady* izy ireo;

Manao fifanekena hanoherana anao+ izy ireo,

 6 Dia ny tranolain’i Edoma sy ny Ismaelita, Moaba+ sy ny Hagarita,+

 7 Gebala sy Amona+ sy Amaleka,

Ary Filistia+ sy ny mponin’i Tyro.+

 8 Miaraka amin’izy ireo koa i Asyria;+

Manampy* an’ireo taranak’i Lota+ izy rehetra. (Sela)

 9 Ataovy toy ny nanaovanao ny Midianina+ izy ireo,

Toy ny nanaovanao an’i Sisera sy Jabina teo amin’ny reniranon’i* Kisona.+

10 Naringana tany En-dora+ izy ireo,

Ka lasa zezika ho an’ny tany.

11 Ataovy toy ny nanaovanao an’i Oreba sy Zeba+ ny olona ambony eo aminy,

Ary ataovy toy ny nanaovanao an’i Zebaha sy Zalmona+ ny andrianany.*

12 Nilaza mantsy izy ireo hoe: “Andao halaintsika ilay tany ipetrahan’Andriamanitra.”

13 Ataovy hoatran’ny tsilo avadibadiky ny tadio izy ireo,+ ry Andriamanitro ô,

Hoatran’ny mololo entin’ny rivotra.

14 Toy ny afo mandoro ala,

Toy ny lelafo mandrehitra tendrombohitra,+

15 Ho toy izany anie no hanenjehanao azy amin’ny rivo-mahery,+

Sy hampihorohoroanao azy amin’ny tafio-drivotra avy aminao!+

16 Ataovy afa-baraka tanteraka izy ireo,*

Mba hitadiavany ny anaranao, Jehovah ô!

17 Ho menatra sy hihorohoro mandrakizay anie izy ireo,

Ary ho afa-baraka sy ho ringana;

18 Enga anie ho fantatry ny olona fa ianao irery ihany, ilay manana anarana hoe Jehovah,+

No Avo Indrindra manerana ny tany manontolo!+