Salamo

 2 Teny amin’ny hazo aravaha tao aminy*

No nahantonay ny harpa+ fitendrinay.

 3 Fa tao no nangataka anay hihira ireo naka anay ho babo;+

Te hiala voly ireo naneso anay ka niteny hoe:

 4 Ataonay ahoana anefa no fihira ny hiran’i Jehovah

Any an-tanin’olona?

 5 Raha manadino anao aho, ry Jerosalema ô,

Dia aoka ny tanako ankavanana hanadino izay efa hainy.*+

 6 Aoka ny lelako hiraikitra amin’ny lanilaniko,

Raha tsy mahatsiaro anao aho

Ary raha tsy i Jerosalema no ataoko zava-dehibe kokoa

Noho ireo zavatra lehibe indrindra mahafaly ahy.+

 7 Jehovah ô, tsarovy

Izay nolazain’ny Edomita tamin’ny andro nandravana an’i Jerosalema. Hoy izy ireo:

 8 Ry Babylona zanakavavy izay horavana tsy ho ela ô!+

Ho sambatra ilay hampijaly anao

Hoatran’ny nampijalianao anay.+

 9 Ho sambatra ilay hisambotra ny zanakao

Sy hanatonta azy ireo amin’ny vatolampy.+