Tononkiran’i Solomona

7 “Tsara erỳ ny tongotrao ao anatin’ilay kapanao,

Ry tovovavy mendri-kaja!

Toy ny firavaka notefen’ny mpanao asa tanana

Ny bikan’ny fenao.

Ary ny kibonao dia toy ny antontam-barimbazaha

Voahodidin’ny lisy.

 3 Ny nononao roa dia toy ny zana-gazela roa,

Dia zana-gazela kambana.+

Ary ny masonao+ toy ny dobo any Hesbona,+

Eo akaikin’ny vavahadin’i Bata-rabima.

Ny oronao kosa tahaka ny tilikambon’i Libàna,

Izay tandrifin’i Damaskosy.

 5 Tsara tarehy hoatran’ny Tendrombohitra Karmela+ ny lohanao,

Ary tahaka ny volonondry volomparasy+ ny volonao.*+

 6 Tena tsara tarehy sy mahafinaritra ianao, ry tovovavy malalako,

Mbola kanto noho izay mety ho kanto!

 7 Hoatran’ny hazo palmie ny fijoronao,

Ary toy ny antrendry* ny nononao.+

 8 Hoy aho: ‘Hianika an’ilay hazo palmie aho,

Mba haka ny tahony misy voany.’

Enga anie ho tahaka ny voaloboka amin’ny tangozany ny nononao,

Ho manitra hoatran’ny paoma ny fofonainao,

 9 Ary ho toy ny divay faran’izay tsara ny vavanao!”*

“Enga anie ilay divay hidina moramora ao an-tendan’ilay mamin’ny foko,

Ary hikoriana moramora eo amin’ny molotr’izay matory!”

10 An’ny malalako aho,+

Ary izaho no iriny.

11 Avia, ry ilay mamin’ny foko,

Andao isika ho any an-tsaha.

Andao isika hipetraka eny ambanin’ny moina.+

12 Andao isika hifoha maraina ho any an-tanimboaloboka,

Mba hijery raha mitsimoka* ny voaloboka,

Ary raha efa mamelana ny zavamaniry,+

Na efa mamony ny ampongabendanitra.+

13 Manitra erỳ ny angividia!+

Ary misy voankazo tsara be isan-karazany eo am-baravarantsika.+

Na ny vaovao na ny efa ela,

Dia samy notehiriziko ho anao, ry ilay mamin’ny foko.