Salamo

Hira.

98 Mihirà hira vaovao ho an’i Jehovah,+

Fa nanao zava-mahagaga izy.+

Nahavonjy* ny tanany ankavanana, dia ny sandriny masina.+

2 Nampahafantatra ny famonjeny i Jehovah;+

Naharihariny teo anatrehan’ireo firenena ny fahamarinany.+

3 Tadidiny hoe tiany ny taranak’Israely sady tsy nivadika tamin’izy ireo izy.+

Nahita ny famonjen’Andriamanitsika* ny vazan-tany efatra.+

4 Manaova horakora-pandresena ho an’i Jehovah, ry tany manontolo.

Mifalia sy mihobia ary manaova hira fiderana.*+

5 Manaova hira fiderana* ho an’i Jehovah amin’ny harpa,

Eny, amin’ny harpa sy ny hira mahafinaritra.

6 Tsofy ny trompetra sy ny anjombona,+

Ka manaova horakora-pandresena eo anatrehan’ny Mpanjaka, dia i Jehovah.

7 Aoka hihoby ny ranomasina sy izay rehetra ao aminy,

Ary ny tany* sy izay monina eo aminy.

8 Aoka hitehaka ny renirano;

Aoka ny tendrombohitra hiara-mihoby+

9 Eo anatrehan’i Jehovah, fa tonga* hitsara ny tany izy.

Hotsarainy araka ny rariny ny tany misy mponina,*+

Ary hotsarainy araka ny hitsiny ireo firenena.+