Salamo
Ho an’ny mpitarika; atao Mota-labena.* Hiran’i Davida.
א [Alefa]
9 Hidera anao amin’ny foko manontolo aho, Jehovah ô!
Hilaza an’ireo zavatra rehetra mahatalanjona nataonao+ aho.
2 Hifaly sy hiravoravo aho noho ny aminao;
Hihira fiderana* ho an’ny anaranao aho, ry Avo Indrindra ô!+
ב [Beta]
4 Fa niaro ahy ianao mba hahazoako rariny;
Mipetraka eo amin’ny seza fiandrianana ianao, ka mitsara araka ny rariny.+
ג [Gimela]
5 Nanarinao mafy ireo firenena+ ary naringanao ny ratsy fanahy,
Ka nofafanao mandrakizay mandrakizay ny anaran’izy ireo.
ה [He]
7 I Jehovah kosa mipetraka mandrakizay eo amin’ny seza fiandrianany;+
Ataony mafy orina ny seza fiandrianany mba hampiharana ny rariny.+
8 Hotsarainy araka ny rariny ny tany misy mponina;*+
Hamoaka didim-pitsarana ara-drariny ho an’ireo firenena izy.+
ו [Vao]
9 Ho fialofana* azo antoka i Jehovah ho an’izay ampahorina,+
Dia fialofana azo antoka amin’ny fotoan-tsarotra.+
ז [Zaina]
11 Manaova hira fiderana ho an’i Jehovah, ilay mipetraka ao Ziona;
Ampahafantaro an’ireo firenena ny zavatra nataony.+
12 Fa hahatsiaro an’ireo ampijalina Izy ka hamaly an’izay nandatsaka ny ran’izy ireo;+
Tsy hohadinoiny ny fitarainan’izy ireo.+
ח [Heta]
13 Iantrao aho, Jehovah ô! Jereo ny fahoriako noho ny ataon’ireo mankahala ahy.
Ianao no mampitsangana ahy hiala eo am-bavahadin’ny fahafatesana,+
14 Mba hanambarako eo am-bavahadin’i Ziona zanakavavy+ ny asa mendri-piderana ataonao,
Sy hifaliako noho ny asa famonjena ataonao.+
ט [Teta]
15 Latsaka ao amin’ny lavaka nataony ireo firenena;
Ny tongony ihany no voafandriky ny harato nafeniny.+
16 Fantatra amin’ny didim-pitsarana ampihariny i Jehovah.+
Ny zavatra nataon’ny tanan’ny ratsy fanahy ihany no mamandrika azy.+
Higaiona.* (Sela)
י [Yôda]
17 Handositra ho any amin’ny Fasana* ny ratsy fanahy,
Dia ny firenena rehetra manadino an’Andriamanitra.
18 Tsy hohadinoina foana kosa ny mahantra;+
Ary tsy ho foana mandrakizay ny fanantenan’ny mpandefitra.+
כ [Kafa]
19 Mitsangàna, Jehovah ô! Aza avela handresy ny olombelona mety maty.
Enga anie hotsaraina eo anatrehanao ireo firenena!+