Изреки
2 Глупавиот не сака ништо да разбере,
тој само сака да го каже своето мислење.
3 Каде има злобен човек, таму има и презир,
и со нечесното однесување доаѓа и срамот.
4 Зборовите на човекот се длабока вода;
изворот на мудроста е жуборлив поток.
5 Не е добро да бидеш пристрасен кон злобниот,
ниту да го лишиш од правда праведниот.
6 Зборовите на глупавиот водат до караници,
и со она што го кажува си бара ќотек.
8 Зборовите на клеветникот се како вкусни залаци,
лакомо се голтаат и одат право во стомакот.
9 Оној што е мрзлив во работата
брат му е на расипникот.
10 Името на Јехова е цврста кула.
Во неа бега праведниот и наоѓа заштита.*
11 Богатството е утврден град за богатиот
и висок ѕид во неговото мечтаење.
12 Вообразеното срце води до пропаст,
а понизноста води до слава.
13 Кога некој одговара пред да сослуша,
постапува неразумно и се посрамотува.
15 Срцето на разборитиот стекнува знаење,
и увото на мудриот бара знаење.
16 Подарокот му ги отвора вратите на човекот
и го води до влијателни луѓе.
17 Кој прв го изнесува својот случај, се чини дека е во право,
сѐ додека не дојде другиот и не побара од него да ги докаже своите тврдења.*
18 Ждрепката им става крај на караниците
и го решава спорот меѓу моќните противници.
19 Потешко е да придобиеш навреден брат отколку да освоиш утврден град,
и некои караници се како затворени порти на тврдина.
20 Човекот ќе се насити од плодовите на своите зборови;
тој ќе се насити од родот на своите усни.
21 Смртта и животот се во власта на јазикот;
кој сака да зборува, ќе го јаде неговиот плод.
22 Кој нашол добра жена, нашол богатство,
и Јехова му покажува наклоност.
23 Сиромашниот моли за помош,
но богатиот му одговара грубо.
24 Има луѓе спремни да го уништат својот другар,
но има и пријатели поприврзани од брат.