Изреки

 2 На човекот му се чини дека сите негови патишта се исправни,

но Јехова го испитува срцето.*

 3 На Јехова му е помило да постапуваш исправно и праведно

отколку да му принесуваш жртви.

 4 Горделивите очи и вообразеното срце

се светилка која ги води злобните, но всушност се грев.

 5 Плановите на трудољубивиот сигурно водат до успех,*

а секој што избрзува сигурно оди кон сиромаштија.

 6 Богатството стекнато со лаги

е како пареа што исчезнува и како смртоносна стапица.*

 7 Злобните ќе ги однесе нивното насилство

бидејќи не сакаат да постапуваат праведно.

 8 Делата на виновникот се расипани,

а постапките на оној што е невин се чесни.

 9 Подобро да живееш во некој ќош на покривот

отколку во иста куќа со жена кавгаџика.*

10 Злобниот човек копнее по злото;

тој нема ронка милост кон ближниот.

11 Кога потсмевачот ќе добие казна, неискусните стануваат помудри,

а кога мудриот ќе стекне разбирање, знае што да прави.*

12 Праведниот Бог ја набљудува куќата на злобниот

и ги турка злобните во пропаст.

13 Кој си ги затвора ушите кога бедниот вика за помош,

и самиот ќе вика, но никој нема да му помогне.

14 Скришниот подарок го смирува гневот,

и поткупот даден во тајност* ја стивнува жестоката лутина.

15 За праведниот е радост да постапува праведно,

а за оние што прават зло тоа е крајно одбивно.

16 Човекот што застранува од патот на разборитоста

ќе почива меѓу мртвите.

17 Оној што сака да се забавува* ќе осиромаши;

оној што ги сака виното и маслото нема да се збогати.

18 Злобниот е откуп за праведниот,

и измамникот е откуп за чесниот.

19 Подобро е да живееш во пустелија

отколку со жена кавгаџика* која лесно избувнува.

20 Во куќата на мудриот има скапоцено богатство и масло,

а глупавиот човек ќе испотроши* сѐ што има.

21 Кој се труди да постапува праведно и да покажува верна љубов,

ќе најде живот, праведност и чест.

22 Мудриот може да го освои* градот на јунаците

и да ја скрши силата на која тие се надеваат.

23 Кој внимава на својата уста и на својот јазик,

си ја чува душата од неволји.

25 Мрзливиот ќе го убијат неговите желби

бидејќи неговите раце не сакаат да работат.

26 Во својата лакомост, тој по цел ден гори од желба,

а праведниот дава и ништо не скратува.

27 Жртвата на злобниот е одвратна,

особено кога се принесува со лоша намера.*

28 Сведокот што лаже ќе биде уништен,

но оној што внимателно слуша ќе сведочи веродостојно.*

29 Злобниот човек остава впечаток дека е самоуверен,

но чесниот е тој што оди со сигурен чекор.*

31 Коњот го подготвуваат за денот на битката,

но спасението е од Јехова.