Псалми

55 Боже, приклони го увото кон молитвата моја,+

не криј се кога те молам да бидеш милостив.+

 2 Сослушај ме и одговори ми.+

Талкам вознемирен поради својата грижа,+

на немирот не можам да му се оттргнам,

 3 поради гласот на непријателот, поради притисокот од злобниот.+

Зашто, на мене фрлаат зло+

и во својот гнев ме мразат.+

 4 Моето срце е во силна болка,+

смртен страв ме фати.+

 5 Страв и трепет влегува во мене,+

ми поминуваат морници.

 6 И велам: „О, да имав крилја како гулаб!+

Би одлетал и би нашол починка.+

 7 Еве, би одлетал далеку,+

би живеел во пустина.+ (Села)

 8 Би побрзал на местото на своето прибежиште,

пред силниот ветар, пред луњата“.+

 9 Збркај го, Јехова, раздели го нивниот јазик,+

Зашто, видов насилство и караница во градот.+

10 Дење и ноќе го обиколуваат по неговите ѕидишта,+

пакост и зло има во него.+

11 Во него има неволји,

на неговиот плоштад постојано има угнетување и измама.+

12 Зашто, не ме срамеше мојот непријател,+

тоа би го поднел.

Не се дигаше вообразено над мене оној што многу ме мрази,+

од него би се скрил.+

13 Туку тоа го правеше ти, смртен човеку еднаков на мене,+

мој пријателе, мој другару.+

14 А толку блиски другари бевме,+

со мноштвото одевме во Божјиот дом.+

15 Пустош нека дојде на нив!+

Живи нека слезат во гробот,*+

зашто, додека живееја во туѓина, злото беше во нив.+

16 А јас ќе го повикувам Бог Јехова,+

и тој ќе ме спаси.+

17 Навечер и наутро и напладне ме обземаат грижи, па липам,+

а тој го слуша мојот глас.+

18 Ќе ја откупи мојата душа и ќе ѝ даде мир од борбата што се води против мене,+

зашто, цели мноштва се подигаат против мене.+

19 Бог, кој седи на престолот како и во минатото,+

ќе чуе и ќе им врати+ (Села)

на оние што не се менуваат+

и не се бојат од него.+

20 Тој* крена рака на оние што се во мир со него,+

го оскверни сојузот што го склучи.+

21 Зборовите на неговата уста се помазни од маст,+

но неговото срце е воинствено.+

Неговите зборови се поблаги од масло,+

а всушност се мечеви извлечени.+

22 Фрли го своето бреме на Јехова,*+

и тој ќе те поткрепи.+

Никогаш нема да дозволи праведникот да се сопне.+

23 А ти, Боже, ќе ги собориш во најдлабоката јама.+

Луѓе виновни за крв и измамници нема да проживеат ни половина од своите денови.+

А јас ќе се надевам на тебе.+