Изреки

23 Кога ќе седнеш да јадеш со цар,

добро внимавај што има пред тебе;

 2 стави си нож под грлото*

ако имаш голем апетит.*

 3 Немој да се полакомиш по неговите вкусни јадења

за да не ти станат замка.

 5 Штом ќе погледнеш кон богатството, веќе го нема,

добива крилја како орел и одлетува кон небото.

 6 Не јади кај скржав човек*

и немој да се полакомиш по неговите вкусни јадења,

 7 бидејќи тој ти го брои секој залак.

 8 Ќе го повратиш секое залче што си го изел,

и твоите пофалби ќе бидат залудни.

 9 Не зборувај со безумник

бидејќи ќе ги презре твоите мудри зборови.

10 Не поместувај ги старите меѓи

и не навлегувај во нивите на сираците,*

11 бидејќи нивниот Заштитник* е силен;

тој ќе се заземе за нив и ќе ти се спротивстави.

12 Со сето срце прифати ги поуките*

и внимателно слушај ги мудрите зборови.

13 Не оставај го детето без казна;*

ако го удриш со прачка, нема да умре.

14 Удри го со прачка

за да го спасиш од гробот.*

15 Сине мој, ако станеш мудар,*

моето срце ќе се прелева од радост.

16 Ќе се радувам од дното на душата*

кога твоите усни ќе го зборуваат она што е исправно.

17 Срцето твое нека не им завидува на грешниците,

туку постојано покажувај стравопочит кон Јехова.

18 Тогаш ќе имаш светла иднина

и твојата надеж нема да пропадне.

19 Сине мој, слушај и биди мудар;

насочи го твоето срце кон правиот пат.

20 Не биди меѓу оние што пијат премногу вино,

ниту меѓу оние што лакомо јадат месо.

21 Пијаницата и ненаситникот ќе осиромашат,

и дремливоста ќе го облече човекот во партали.

22 Слушај го својот татко, кој ти дал живот,

и не презирај ја својата мајка само затоа што остарела.

23 Купувај* вистина и немој да ја продаваш,

купувај мудрост, поука* и разборитост.

24 Таткото на праведниот многу ќе се радува,

и оној што има мудар син ќе се весели.

25 Ќе се веселат татко ти и мајка ти,

ќе се радува онаа што те родила.

26 Слушај ме со сето срце,* сине мој,

и со задоволство оди по мојот пат.

27 Блудницата е како длабока јама,

и неморалната жена* е како тесен бунар.

28 Таа чека во заседа како разбојник,

и поради неа сѐ повеќе мажи стануваат неверни.

30 Оние што минуваат многу време пиејќи вино,

оние што бараат* јако вино.

31 Не гледај во рујното вино

кое светка во чашата и лесно лизга низ грлото,

32 бидејќи на крајот каснува како змија

и пушта отров како отровница.

33 Ќе ти се причинуваат* чудни работи

и твоето срце ќе зборува изопачени работи.

34 Ќе бидеш како човек што се нашол сред море,

како некој што се ниша на врвот од јарболот.

35 Ќе речеш: „Ме тепаа, но ништо не осетив,*

ме удираа, но на ништо не се сеќавам.

Кога ќе се разбудам

за пак да пијам?“