Изреки

16 Човекот размислува во своето срце што ќе каже,

а Јехова му помага да одговори како што треба.

 2 На човекот му се чини дека сите негови патишта се исправни,*

но Јехова ги испитува неговите мотиви.

 3 Потпирај се на Јехова во сѐ што правиш,*

и твоите планови ќе успеат.

 4 Јехова направил сѐ да служи за неговата намера,

па дури и злобните, кои ќе бидат уништени во денот на неволја.

 6 Престапот се очистува со љубов* и со верност,

а оној што има стравопочит кон Јехова бега од злото.

 7 Кога е задоволен со постапките на некој човек,

Јехова ги помирува со него дури и неговите непријатели.

 8 Подобро е да имаш малку и да бидеш праведен

отколку да си натрупаш богатство на нечесен начин.

 9 Човек во своето срце може да планира по кој пат ќе оди,

но Јехова е тој што ги води неговите чекори.

10 Од усните на царот треба да излегуваат вдахновени* одлуки;

тој никогаш не смее да ја изневери правдата.

11 Точната мерка и точната вага се од Јехова;

сите тегови во торбата се негово дело.

12 На царевите им се одвратни злите постапки

бидејќи нивниот престол се зацврстува со праведност.

13 На царевите им е мило кога луѓето зборуваат чесно;

тие го сакаат оној што зборува искрено.

14 Бесот на царот е како гласник што навестува смрт,

но мудриот човек знае како да го смири.

15 Ведрото лице на царот значи живот,

а неговата наклоност е како облак со пролетен дождец.

18 Гордоста води до пропаст,

а вообразеноста* до пад.

19 Подобро е да бидеш понизен и да се дружиш со кротките

отколку да делиш плен со вообразените.

20 Оној што ги согледува работите има успех,*

и среќен е оној што покажува доверба во Јехова.

21 Оној што има мудро срце ќе биде познат како разумен човек,

и оној што зборува љубезно* е поуверлив.

22 Разборитоста е извор на живот за оние што ја имаат,

а глупавоста им е казна* на глупавите.

23 Оној што е мудар внимателно ги избира своите зборови,

и тоа што го кажува е уверливо.

24 Љубезните зборови се како мед од саќе,

слатки за душата* и лек за коските.

25 Некој пат му се чини на човекот исправен,

но на крајот води во смрт.

26 Желбата за храна го тера човекот да работи напорно,

гладот* го принудува на тоа.

27 Расипаниот човек го ископува она што е лошо;

неговите зборови се како разгорен оган.

28 Човек што прави сплетки сее раздор,

а клеветникот ги раздвојува блиските пријатели.

29 Насилниот човек го заведува својот ближен

и го води на погрешен пат.

30 Намигнува кога смислува сплетки

и ги стиска усните кога прави зло.

31 Седата коса е прекрасна круна*

на оние што чекорат по патот на праведноста.

32 Оној што е стрплив* е подобар од силен човек,

и оној што се совладува себеси* е подобар од оној што освоил град.

33 Ждрепката се фрла во скут,

но секоја одлука донесена со неа е од Јехова.