На управителот, за жичени инструменти. Давидов псалм.
61 Чуј го, Боже, моето преколнување!+
Сослушај ја мојата молитва!+
2 Од крајот на земјата ќе повикам кон тебе кога ќе ми премали срцето.+
Поведи ме на карпа на која не можам да се качам!+
3 Зашто, ти си моето прибежиште,+
цврста кула пред лицето на непријателот.+
4 Во твојот шатор ќе бидам гостин довека,+
под заштитата на твоите крилја ќе најдам засолниште.+ (Села)
5 Зашто, ти, Боже, слушна што ти се заветував.+
Ми даде такво наследство какво што им припаѓа на оние што се бојат од името твое.+
6 Ќе придодадеш денови на деновите на царот,+
неговите години нека се нижат како поколенијата.+
7 Довека ќе живее тој пред Бог;+
испрати ги милоста и вистинољубивоста за да го чуваат.+
8 А јас засекогаш ќе го славам твоето име со песна,+
за да ги исполнувам моите завети од ден на ден.+