Божјата сопствена книга — богатство

1. На светот има една стара книга

што носи радост, утеха и мир.

И само таа може да им даде

на „мртви“ живот, а на „слепи“ вид.

Се вика Свето писмо таа книга,

а писателите ги избрал Бог.

Му биле верни слуги што ги сакал.

Со својот дух им давал водство тој.

2. А тие точен опис нам ни дале

за тоа како создавал Бог сѐ,

и што му дал на човекот во рајот,

но зошто после изгубил тој сѐ,

за еден ангел бунтовник што станал

и власта му ја оспорил на Бог.

Тој бунт ни донел смрт и многу болки,

но ќе му дојде крај на сето зло.

3. А ние денес може да сме среќни —

Бог сета власт на Исус му ја дал.

И нека сите луѓе чујат од нас

што сѐ ќе смени Исус како Цар.

Да, Речта Божја вистинска е гозба —

ни нуди вкусно залче секој час.

Во душа голем мир ни носи таа.

Зар има нешто послатко за нас?