സുഭാഷിതങ്ങൾ
23 രാജാവിനോടൊപ്പം ഭക്ഷണത്തിന്‌ ഇരിക്കുമ്പോൾ
നീ എവിടെയാണെന്ന കാര്യം ചിന്തിച്ചുകൊള്ളുക.
നിന്റെ തൊണ്ടയ്‌ക്ക്‌ ഒരു കത്തി വെക്കുക.*
3 അദ്ദേഹത്തിന്റെ വിശിഷ്ടവിഭവങ്ങൾ കൊതിക്കരുത്‌;
അതു വഞ്ചന നിറഞ്ഞ ആഹാരമാണ്‌.
4 ധനം വാരിക്കൂട്ടാൻ നീ മരിച്ചുകിടന്ന്‌ പണിയെടുക്കരുത്‌;+
ആ ചിന്ത മതിയാക്കി വകതിരിവ്‌ കാണിക്കുക.*
5 നീ അതിനെ നോക്കുമ്പോൾ അത്‌ അവിടെയുണ്ടാകില്ല;+
അത്‌ ഒരു കഴുകനെപ്പോലെ ചിറകു വിരിച്ച്‌ ആകാശത്തിലേക്കു പറന്നുയരും.+
6 പിശുക്കന്റെ* ഭക്ഷണം കഴിക്കരുത്‌;
അവന്റെ വിശിഷ്ടവിഭവങ്ങൾ കൊതിക്കരുത്‌.
7 അവൻ എല്ലാത്തിന്റെയും കണക്കു സൂക്ഷിക്കുന്നു.
“കഴിക്കൂ, കുടിക്കൂ” എന്ന്‌ അവൻ പറയുന്നു; എന്നാൽ അവന്റെ മനസ്സിലിരുപ്പു മറ്റൊന്നാണ്‌.*
8 കഴിച്ച അപ്പക്കഷണങ്ങളെല്ലാം നീ ഛർദിക്കും;
നീ പറഞ്ഞ അഭിനന്ദനവാക്കുകൾ വെറുതേയാകും.
12 ഹൃദയപൂർവം ശിക്ഷണം സ്വീകരിക്കുക;
ജ്ഞാനമൊഴികൾക്കു കാതോർക്കുക.
13 കുട്ടിക്കു ശിക്ഷണം നൽകാതിരിക്കരുത്‌.+
വടികൊണ്ട്‌ അടിച്ചാൽ അവൻ മരിച്ചുപോകില്ല.
17 നിന്റെ ഹൃദയം പാപികളോട്‌ അസൂയപ്പെടരുത്‌;+
ദിവസം മുഴുവൻ യഹോവയോടു ഭയഭക്തി കാണിക്കുക.+
18 അപ്പോൾ നിന്റെ ഭാവി ശോഭനമാകും;+
നിന്റെ പ്രത്യാശ അറ്റുപോകില്ല.
19 മകനേ, ശ്രദ്ധിച്ചുകേട്ട്‌ ബുദ്ധിമാനാകുക;
നിന്റെ ഹൃദയത്തെ നേരായ പാതയിൽ നയിക്കുക.
20 കണക്കിലധികം വീഞ്ഞു കുടിക്കുന്നവരുടെയും+
അത്യാർത്തിയോടെ ഇറച്ചി തിന്നുന്നവരുടെയും കൂട്ടത്തിൽ കൂടരുത്‌.+
21 മുഴുക്കുടിയനും തീറ്റിഭ്രാന്തനും ദരിദ്രരാകും;+
മത്തുപിടിച്ച്‌ ഉറങ്ങുന്നവൻ പഴന്തുണി ഉടുക്കേണ്ടിവരും.
22 നിന്നെ ജനിപ്പിച്ച അപ്പൻ പറയുന്നതു കേൾക്കുക;
അമ്മയ്‌ക്കു പ്രായമായെന്നു കരുതി അമ്മയെ നിന്ദിക്കരുത്‌.+
24 നീതിമാന്റെ അപ്പൻ സന്തോഷിക്കും;
ജ്ഞാനിയെ ജനിപ്പിച്ചവൻ അവനെ ഓർത്ത്‌ ആഹ്ലാദിക്കും.
25 നിന്റെ അപ്പനും അമ്മയും ആഹ്ലാദിക്കും;
നിന്നെ പ്രസവിച്ചവൾ സന്തോഷിക്കും.
28 അവൾ ഒരു കവർച്ചക്കാരനെപ്പോലെ ഒളിച്ചിരിക്കുന്നു;+
അവിശ്വസ്‌തരായ പുരുഷന്മാരുടെ എണ്ണം കൂട്ടുന്നു.
29 ആർക്കാണു ദുരിതം? ആർക്കാണു ബുദ്ധിമുട്ട്‌?
ആർക്കാണു തർക്കങ്ങൾ? ആർക്കാണു പരാതികൾ?
ആർക്കാണു കാരണമറിയാത്ത മുറിവുകൾ? ആർക്കാണു തളർന്ന കണ്ണുകൾ?
31 ചുവന്ന വീഞ്ഞു കണ്ട്‌ നീ നോക്കിനിൽക്കരുത്‌;
അതു പാത്രത്തിൽ ഇരുന്ന്‌ തിളങ്ങുന്നതും രുചിയോടെ കുടിച്ചിറക്കുന്നതും നോക്കരുത്‌.
32 ഒടുവിൽ അതു സർപ്പത്തെപ്പോലെ കൊത്തും;
അണലിയെപ്പോലെ കടിക്കും.*
34 നീ നടുക്കടലിൽ കിടക്കുന്നവനെപ്പോലെയും
കപ്പലിന്റെ പായ്‌മരത്തിനു മുകളിൽ വിശ്രമിക്കുന്നവനെപ്പോലെയും ആകും.
35 നീ ഇങ്ങനെ പറയും: “അവർ എന്നെ ഇടിച്ചു, പക്ഷേ ഞാൻ അറിഞ്ഞില്ല.*
എന്നെ അടിച്ചു, എനിക്കൊന്നും തോന്നിയില്ല.
ഞാൻ എപ്പോൾ ഉണരും?+
എനിക്ക്‌ ഇനിയും കുടിക്കണം.”