യശയ്യ
62 സീയോന്റെ കാര്യത്തിൽ ഇനി ഞാൻ മിണ്ടാതിരിക്കില്ല.+
അവളുടെ നീതി ഉജ്ജ്വലപ്രകാശംപോലെ ശോഭിക്കുകയും+
അവളുടെ രക്ഷ തീപ്പന്തംപോലെ കത്തുകയും+ ചെയ്യുന്നതുവരെ
യരുശലേമിനെപ്രതി ഞാൻ അടങ്ങിയിരിക്കില്ല.
യഹോവ സ്വന്തം വായ്‌കൊണ്ട്‌ നിനക്കൊരു പേരിടും.+
അങ്ങനെ, നിനക്ക്‌ ഒരു പുതിയ പേര്‌ ലഭിക്കും.
3 നീ യഹോവയുടെ കൈയിലെ ഒരു സുന്ദരകിരീടവും
നിന്റെ ദൈവത്തിന്റെ കരങ്ങളിലെ രാജകീയ തലപ്പാവും ആകും.
4 നിന്നെ ഇനി ആരും ഉപേക്ഷിക്കപ്പെട്ട സ്‌ത്രീ+ എന്നു വിളിക്കില്ല,
നിന്റെ ദേശം ഇനി വിജനം എന്ന്‌ അറിയപ്പെടില്ല.+
‘അവൾ എന്റെ ആനന്ദം’ എന്നായിരിക്കും നിന്റെ പേർ,+
നിന്റെ ദേശം ‘വിവാഹിത’ എന്ന്‌ അറിയപ്പെടും.
കാരണം, യഹോവ നിന്നിൽ ആനന്ദിക്കും,
നിന്റെ ദേശം വിവാഹിതയെപ്പോലെയാകും.
5 ഒരു യുവാവ്‌ കന്യകയെ വിവാഹം കഴിക്കുന്നതുപോലെ,
നിന്റെ മക്കൾ നിന്നെ വിവാഹം കഴിക്കും.
മണവാളൻ മണവാട്ടിയിൽ സന്തോഷിക്കുന്നതുപോലെ,
നിന്റെ ദൈവം നിന്നിൽ സന്തോഷിക്കും.+
6 യരുശലേമേ, നിന്റെ മതിലുകളിൽ ഞാൻ കാവൽക്കാരെ നിയമിച്ചിരിക്കുന്നു,
രാത്രിയും പകലും അവർ മിണ്ടാതിരിക്കരുത്‌.
യഹോവയെക്കുറിച്ച്‌ സംസാരിക്കുന്നവരേ,
നിങ്ങൾ ഒട്ടും വിശ്രമിക്കരുത്‌,
7 ദൈവം യരുശലേമിനെ സുസ്ഥിരമായി സ്ഥാപിക്കുന്നതുവരെ,
മുഴുഭൂമിയും അവളെ സ്‌തുതിക്കാൻ ഇടയാക്കുന്നതുവരെ,+ നിങ്ങൾ ദൈവത്തിനു സ്വസ്ഥത കൊടുക്കരുത്‌.”
8 യഹോവ കരുത്തുറ്റ വലങ്കൈകൊണ്ട്‌ ഇങ്ങനെ സത്യം ചെയ്‌തിരിക്കുന്നു:
“ഞാൻ ഇനി നിന്റെ ധാന്യം നിന്റെ ശത്രുക്കൾക്ക്‌ ആഹാരമായി കൊടുക്കില്ല,
നീ കഷ്ടപ്പെട്ട്‌ ഉണ്ടാക്കിയ പുതുവീഞ്ഞ്‌ അന്യദേശക്കാർ കുടിക്കില്ല.+
9 കൊയ്‌തെടുക്കുന്നവർതന്നെ അതു തിന്നുകയും യഹോവയെ സ്‌തുതിക്കുകയും ചെയ്യും;
അതു ശേഖരിക്കുന്നവർതന്നെ എന്റെ തിരുമുറ്റങ്ങളിൽവെച്ച്‌ അതു കുടിക്കും.”+
10 പുറത്ത്‌ കടക്കൂ, കവാടങ്ങളിലൂടെ പുറത്ത്‌ കടക്കൂ.
ജനത്തിനുവേണ്ടി വഴി ഒരുക്കൂ.+
പണിയുക, പ്രധാനവീഥി പണിയുക.
അതിൽനിന്ന്‌ കല്ലുകൾ പെറുക്കിക്കളയുക.+
ജനങ്ങൾക്കുവേണ്ടി ഒരു അടയാളം* ഉയർത്തുക.+
11 യഹോവ ഭൂമിയുടെ അതിരുകളോളം ഇങ്ങനെ വിളംബരം ചെയ്‌തിരിക്കുന്നു:
“‘ഇതാ, നിന്റെ രക്ഷ വരുന്നു,+
പ്രതിഫലം അവന്റെ കൈയിലുണ്ട്‌,
അവൻ കൊടുക്കുന്ന കൂലി അവന്റെ മുന്നിലുണ്ട്‌’+ എന്ന്‌
സീയോൻപുത്രിയോടു പറയുക.”